दिव्य मराठी विशेष:शिक्षकांनी स्वखर्चातून उभारले 300 ग्रंथांचे दालन‎

विद्यार्थ्यांचे भाषा, संवादकाैशल्य‎ वाढीस लागावे, त्यांच्या प्रतिभा‎ शक्तीचा विकास व्हावा या उदात्त‎ हेतूने सिन्नर शहरातील मविप्रच्या‎ अभिनव बालविकास मंदिरातील‎ शिक्षक-शिक्षकेतर कर्मचाऱ्यांनी‎ एकत्र येत स्वखर्चाने ३०० ग्रंथांचे‎ दालन विद्यार्थ्यांसाठी खुले केले‎ आहे. सुमारे १५ हजार रुपये खर्च‎ करून विविध प्रकारची वाचनीय‎ पुस्तके शिक्षकांनी या ग्रंथालयात‎ उपलब्ध करून दिली आहेत.‎ विद्यार्थ्यांचा सर्वांगीण विकास‎ व्हावा, वाचनाची गोडी निर्माण व्हावी‎ आधुनिक युगातील इलेक्ट्रॉनिक‎ टीव्ही, मोबाइल अशा उपकरणांपासून‎ विद्यार्थी दूर रहावे, या उदात्त हेतूने हा‎ ‘अभिनव'' उपक्रम राबवण्यात आला‎ आहे. शाळेतील सर्व शिक्षक व‎‎‎‎‎‎‎‎‎‎‎‎‎‎‎ शिक्षकेतर कर्मचाऱ्यांनी एकत्र येत‎ विद्यार्थी आणि शिक्षक‎ वाचनालयासाठी पुस्तके भेट दिली.‎

या पुस्तकांच्या वाचनातून‎ विद्यार्थ्यांच्या ज्ञानात भर‎ पडण्याबराेबरच ते इलेक्ट्रॉनिक‎ वस्तूंपासून दूर होतील, अशी आशा‎‎‎‎‎‎‎‎‎‎‎‎‎‎‎ शिक्षकांना आहे. या उपक्रमासाठी‎ मविप्रचे सरचिटणीस ॲड. नितीन‎ ठाकरे, संचालक कृष्णाजी भगत यांचे‎ मार्गदर्शन लाभले. मुख्याध्यापक‎ अविनाश साळुंखे, प्रभारी‎ मुख्याध्यापक संतोष जगताप, नितेश‎ दातीर, प्रतिभा पगार, संगीता गाडे,‎‎‎‎‎‎‎‎‎‎‎‎‎‎‎ शोभा गायखे, सरला वर्पे, सुरेखा‎ भोर, शीतल देवरे, संगीता जाधव,‎ ज्योती शिंदे, मनिषा तांबे, कविता‎ पवार, वैभव केदार, योगेश हिंगे,‎ अर्चना खालकर, कविता कदम,‎ प्रतिभा पवार, ढोमाडे आदी‎ कर्मचाऱ्यांनी मदतकार्य उभे केले.‎

वाढदिवसानिमित्त‎ मुले देतात वाचनीय‎ पुस्तके भेट‎
आपल्या वाढदिवशी अभिनव‎ बालविकास मंदिरातील‎ चिमुकले चॉकलेट व विविध‎ खाऊंचे पदार्थ शाळेत न‎ आणता शाळेसाठी एक‎ वाचनीय पुस्तक उपलब्ध‎ करून देतात. पालकांचे या‎ उपक्रमात योगदान लाभत‎ असते. शिक्षकांनी त्यास‎ आणखी हातभार लावला‎ आहे. यामध्ये थोर साहित्यिक,‎ बालमित्र, सवंगडी, विविध‎ प्रकारच्या गोष्टी, थोर‎ महापुरुषांचे जीवनचरित्र ,‎ आत्मकथा, कादंबऱ्या अशा‎ ग्रंथसंपदेचा समावेश आहे.‎