वाहतूक विस्कळीत‎:कसारा घाटात बर्निंग ट्रकचा‎ थरार, वाहतूक विस्कळीत‎‎

मुंबई-आग्रा महामार्गावर नवीन कसारा‎ घाटात चालत्या ट्रकने पेट घेतल्याची‎ घटना बुधवारी सकाळी ६.३०च्या सुमारास‎ घडली. मुंबई-आग्रा राष्ट्रीय महामार्गावर‎ नाशिकहून मुंबईला जाणारा मालवाहू‎ ट्रकने (एमएच ०३ सीपी ६१७१ ) कसारा‎ घाट उतरत असताना अचानक पेट घेतला.‎

दरम्यान, घटनेची माहिती मिळताच‎ महामार्ग पोलिस केंद्र, घोटी, टोल प्लाझा,‎ इगतपुरी नगरपरिषदेचे अग्निशमन दल‎ कर्मचारी यांनी घटनास्थळी धाव घेत आग‎ विझवण्याचे काम युद्धपातळीवर सुरू‎ करण्यात आले. दोन वेळा विझवण्याचा‎ प्रयत्न करूनही पुन्हा हा ट्रक पेटला.‎ यामध्ये ट्रक भस्मसात झाला आहे.‎ प्रसंगावधान राखत ट्रक चालकाने ट्रकला‎ बाजूला लावून पलायन केल्याने त्याचा‎ जीव वाचला. या घटनेमुळे मुंबई-आग्रा‎ महामार्गावरील वाहतूक काही वेळ‎ विस्कळीत झाली होती.‎