महिला आक्रमक‎:दिंडोरी तालुक्यातील अवैध‎ धंद्यांविराेधात महिला आक्रमक‎

तालुक्यातील अवैध व्यवसायामुळे कौटुंबिक‎ शांततेला बाधा पोहाेचून कुटुंब संस्कृती व‎ सदस्यांना होणारा मनस्ताप पाहता दिंडोरी‎ तालुक्यातील अनेक ठिकाणी महिला‎ रणरागिनींनी आक्रमक पवित्रा घेतला आहे.‎ दिंडोरी, जानोरी, जालखेड येथे महिलांनी‎ प्रशासनाला निवेदन देऊन कारवाईची मागणी‎ केली आहे.‎ तालुक्यातील सर्वच अवैध व्यवसाय‎ बंदिसाठी महिलांनी आक्रमक भूमिका घेतली‎ आहे. आता वरखेडा, कोंबडवाडी‎ परिसरातील महिलांनी बेकायदा दारु‎ विक्रीबाबत मोहीम उघडली आहे.‎

याविरोधात जनजागृतीसाठी सहायक पाेलिस‎ निरीक्षक स्वप्नील राजपूत यांना साकडे‎ घातले आहे. महिलांच्या भावना लक्षात घेता‎ त्वरित अवैध व्यावसायिकांची माहिती‎ देण्याबाबत आवाहन करण्यात आले असून‎ माहिती देणाऱ्याचे नाव गुप्त ठेवण्याचे‎ आश्वासन पाेलिसांनी दिले आहे. दरम्यान‎‎‎‎‎‎‎‎‎‎‎‎‎‎‎‎‎‎‎‎ याविरोधात ग्रामपंचायतीने ठराव करून‎ समूळ उच्चाटनासाठी आक्रमक भूमिका‎ घेतली आहे.‎

माहिती द्या त्वरित कारवाई करू‎
वणी पोलिसांनी अवैध दारू विक्री विरोधात‎ ३४ कारवाया केलेल्या आहेत. समुपदेशन‎ केल्याने काही अवैध दारू विक्रेत्यांनी हा‎ व्यवसाय सोडून मजुरीचा मार्ग अवलंबविला‎ आहे. कोणी व्यक्ती अवैध दारू विक्री करत‎ असेल तर माहिती द्यावी, तत्काळ कारवाई‎ केली जाईल.‎ - स्वप्नील राजपूत, सहायक पोलिस‎ निरीक्षक, वणी‎‎

पाेलिसांकडून कारवाईची अपेक्षा‎
वरखेडा ग्रामपंचायतीने वरखेडा व‎ कोंबडवाडी परिसरातील दारू बंदीचा ठराव‎ केला आहे. त्यामुळे अवैध धंद्यांविराेधात‎ पोलिसांनी कडक कारवाई करावी.‎ - जयश्री कडाळे, सरपंच, वरखेडा‎