आवाहन:महिलांनी अन्यायाविरोधात‎ कायद्यांचा उपयोग करावा‎

महिला अनेक क्षेत्रात अग्रेसर असून‎ प्रत्येक क्षेत्रात त्यांचे शोषण होत‎ आहे. बलात्कार, छेडछाड, सोशल‎ मीडिया व प्रेमसंबंधामधून होणारी‎ फसवणूक अशा अनेक घटना या‎ रोज होतात. महिलांनी अशा‎ घटनांना बळी न पडता‎ आपल्यावरील अन्याय दूर‎ करण्यासाठी कायद्याचा उपयोग‎ करावा. गुन्हामुक्त समाज‎ घडवण्यासाठी योगदान द्यावे, असे‎ आवाहन दिवाणी न्यायाधीश‎ अनुराधा पांडुळे यांनी केले.‎ महानगरपालिकेच्या राष्ट्रीय‎ नागरी उपजीविका अभियान अंतर्गत‎ स्थापन करण्यात आलेल्या‎ क्रांतिसूर्य शहरस्तरीय संघातर्फे‎ आय. एम. ए. हॉल येथे जागतिक‎ महिला दिनाच्या कार्यक्रमाचे‎ आयोजन करण्यात आले होते.‎ याप्रसंगी महिलांना मार्गदर्शन‎ करताना न्या. पांडुळे बोलत होत्या.‎

अध्यक्षस्थानी उपायुक्त डॉ.श्रीया‎ देवचके होत्या तर प्रमुख पाहुणे‎ म्हणून सहाय्यक मोटर निरीक्षक‎ सुवर्णा देवरे, गायत्री चव्हाण,‎ इनरव्हील क्लब सदस्य डॉ. शीतल‎ देसले, यशस्वी लोकसाधान केंद्र,‎ अध्यक्ष अनिता सोनवणे उपस्थित‎ होत्या. याप्रसंगी सहायक मोटर‎ निरीक्षक देवरे, इनरव्हील क्लब‎ सदस्य डॉ. देसले, डॉ. देवचके‎ यांचीही मार्गदर्शनपर भाषणे झाली.‎ बचतगटाच्या माध्यमातून चांगले‎ काम करणाऱ्या रूपाली दशपुते,‎ उपाध्यक्ष करुणा मराठे, सचिव‎ प्रमिला खरोटे व सदस्य यांचे,‎ महानगरपालिका समुदाय संघटक,‎ लोकसंचलित साधन केंद्र‎ सहयोगीनी यांना प्रमाणपत्र देऊन‎ सन्मानित केले. बँकेमार्फत कर्ज‎ मंजूर झालेल्या गटांना व खाद्यान्न‎ योजना अंतर्गत कर्ज मंजूर गटांना‎ धनादेश वाटप करण्यात आले.‎ पीएम स्वनिधी अंतर्गत महिला‎ पथविक्रेते यांना डिजिटल परिचय‎ पत्र वाटप करण्यात आले.‎