अभिनव आंदोलन:मनमाडला भरचौकात चुली पेटवून‎ भाकरी थापत साजरा केला महिला दिन

केंद्र सरकारने घरगुती गॅस सिलिंडरच्या‎ दरात वाढ केल्याने महागाईचा भडका‎ उडून सर्वसामान्यांवर मोठा आर्थिक‎ बोजा पडल्यामुळे जीवन जगणे कठीण‎ झाले आहे. केंद्र सरकारच्या या‎ धोरणाविरोधात बुधवारी (दि. ८) दुपारी‎ शिवसेना उद्धव बाळासाहेब ठाकरे‎ पक्षातर्फे येथील एकात्मता चौकात तीव्र‎ निदर्शने व घोषणाबाजी करण्यात आली.‎ महिला शिवसैनिकांनी भर बाजारपेठेत‎ रिकामे सिलिंडर समोर ठेवत चुली‎ पेटवल्या व त्यावर भाकरी भाजत महिला‎ दिन या आंदोलनातून अभिनव पद्धतीने‎ साजरा केला.‎ सरकारच्या धोरणावर सडकून टिका‎ करीत महिलांनी हे ‘अच्छे दिन''‎‎‎‎‎‎‎‎‎‎‎ दाखवल्याचा समाचार घेत ‘माेदी‎ सरकार हाय हाय''च्या घोषणा दिल्या.‎ महागाई कमी झालीच पाहिजे, गॅस‎ दरवाढ कमी करा, उद्धव ठाकरे तुम आगे‎ बढो, हम तुम्हारे साथ है आदी घोषणांनी‎ परिसर दणाणून गेला.

माजी आमदार‎ राजाभाऊ देशमुख, सहसंपर्कप्रमुख‎ प्रवीण नाईक, शिवसेना जिल्हाप्रमुख‎‎‎‎‎‎‎‎‎‎‎ गणेश धात्रक, उपजिल्हाप्रमुख संतोष‎ बळीद, जिल्हा समन्वयक सुनील‎ पाटील, जिल्हा संघटक संजय कटारिया,‎ तालुकाप्रमुख संतोष गुप्ता, संघटक‎ संतोष जगताप, शिवसेना शहरप्रमुख‎ माधव शेलार, नांदगाव शहरप्रमुख‎ श्रावण आढाव, युवासेना जिल्हा‎ उपप्रमुख आशिष घुगे, युवा‎‎‎‎‎‎‎‎‎‎‎ तालुकाप्रमुख सनी फसाटे, युवासेना‎ शहरप्रमुख अंकुश गवळी, इरफान शेख,‎ महिला आघाडीच्या रेणुका जयस्वाल,‎ तालुकाप्रमुख लीलाबाई राऊत,‎ मुक्ताबाई नलावडे, सुरेखा मोरे, कैलास‎ गवळी, कैलास भाबड आदींसह‎ शिवसेना पदाधिकारी, कार्यकर्ते‎ आंदोलनात सहभागी झाले होते.‎

अनावश्यक दरवाढ रद्द करा‎
गॅस सिलिंडरच्या किमतीत मोठी वाढ झाल्याने देशातील जनतेला उन्हाळा सुरू‎ होण्याआधीच महागाईचे चटके सोसावे लागणार आहेत. कोरोना संकटात होरपळून‎ निघाल्यानंतर देशाची अर्थव्यवस्था कुठेतरी स्थिर होण्याच्या मार्गावर असताना मूलभूत‎ वस्तूंच्या किमतीमध्ये जबरदस्त भाववाढ झाल्याने नागरिक हवालदिल झाले आहेत.‎ शेतकऱ्यांच्या शेतीमालाला भाव नाही. केंद्र सरकारने अनावश्यक दरवाढ तत्काळ रद्द‎ करावी, अशी मागणी येथील मंडल अधिकाऱ्यांना दिलेल्या निवेदनाद्वारे करण्यात‎ आली आहे.‎

सिलिंडर दरवाढीमुळे‎ चुलीचा आधार‎
गॅस सिलिंडरच्या दरवाढीमुळे‎ महिलांना आता चुलीवर स्वयंपाक‎ करावा लागणार आहे. आज आम्ही‎ भर रस्त्यात चूल मांडून भाकरी‎ थापली.‎ - मुक्ताबाई नलावडे, ज्येष्ठ महिला‎