आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:शिबिरांतून सामाजिक बांधिलकी जपण्याचे काम‎; मविप्र सरचिटणीस अॅड. ठाकरे यांचे प्रतिपादन‎

सिन्नर24 दिवसांपूर्वी
  • कॉपी लिंक

‎राष्ट्रीय सेवा योजनेसेरख्या‎ माध्यमातून श्रमसंस्कार शिबिरे‎ घेतली जातात. यात‎ महाविद्यालयातील तरुण‎ स्वयंसेवकांचा ग्रामीण संस्कृतीशी‎ संबंध येतो. ग्रामरचनेतील समस्या‎ समजावून घेऊन त्यावर उपाय‎ योजनेसाठी हा स्वयंसेवक प्रयत्न‎ करत असतो. त्यामुळे अशा‎ शिबिरांमधून स्वयंसेवकांच्या‎ व्यक्तिमत्त्व विकासाबरोबरच‎ सामाजिक व राष्ट्रीय बांधिलकी‎ जपण्याचे कामही होते, असे‎ प्रतिपादन मराठा विद्या प्रसारक‎ समाजाचे सरचिटणीस अॅड.‎ नितीन ठाकरे यांनी केले.‎

सिन्नर महाविद्यालयाच्या‎ श्रमसंस्कार शिबिर उद्घाटन प्रसंगी‎ ते बोलत होते. उपसभापती देवराम ‎ ‎ मोगल, संचालक रमेश पिंगळे,‎ पेशवे पतसंस्थेचे अध्यक्ष नारायण ‎वाजे, प्राचार्य डॉ. पी.व्ही. रसाळ, अमित बोरसे, सरपंच ज्ञानेश्वर‎ ढोली, उपसरपंच कल्पना ढोली, ‎ ‎ शालेय व्यवस्थापन समिती अध्यक्ष ‎ ‎ विठ्ठल वामने, महाराष्ट्र राज्य‎ शिक्षक संघटनेचे अध्यक्ष अंबादास‎ वाजे, महाविद्यालय व्यवस्थापन‎ समितीचे अध्यक्ष राजेंद्र घुमरे,‎ प्राचार्य के.एस. जाधव, दामोदर‎ कुंदे, अरुण वारुंगसे, ग्रामपंचायत‎ सदस्य नंदा पवार, उपप्राचार्य डॉ.‎ डी.एम. जाधव, प्रा. आर.व्ही.‎ पवार आदी उपस्थित होते.‎ उपसभापती देवराम मोगल यांनी‎ पुस्तकाविरहित अभ्यास करण्याची‎ संधी अशा शिबिरांमधून‎ स्वयंसेवकांना प्राप्त होते.

त्यामुळे‎ विद्यार्थ्यांनी शिबिरांमधून‎ मिळणाऱ्या प्रत्यक्ष शिक्षणाचा लाभ‎ घेऊन व्यक्तिमत्त्व विकास करून‎ घेण्याचे आवाहन केले.

नारायण‎ वाजे यांनी शिबिरे हे व्यक्तिमत्त्व‎ विकासासाठी असतात. त्यामुळे‎ विद्यार्थ्यांनी जास्तीत जास्त‎ स्वविकास करून घ्यावा, असे‎ सांगितले.‎ प्राचार्य डॉ. रसाळ यांनी‎ प्रास्ताविकात विद्यार्थ्यांचा‎ मानसिक विकास चांगल्या तऱ्हेने‎ होतो. ग्रामीण भागातील माणूस‎ समजून घेण्याची संधी विद्यार्थ्यांना‎ उपलब्ध होते, असे सांगितले.‎ कार्यक्रम अधिकारी प्रा. एस.बी.‎ कर्डक यांनी सूत्रसंचालन केले. प्रा.‎ एस. जी. भागवत यांनी आभार‎ मानले.‎ प्रा. ए. ए. पोटे, प्रा. ए. आर. पगार,‎ प्रा. एस. झेड. ठाकरे, प्रा. एल.‎ एस. कळसकर, प्रा. आर. टी.‎ सोनवणे आदी उपस्थित होते.‎

बातम्या आणखी आहेत...