यात्रा‎:प्रतिजेजुरी मऱ्हळ‎ येथे उद्यापासून यात्रा‎

प्रतिजेजुरी मऱ्हळ खुर्द येथे सोमवार‎ (दि. ६) पासून खंडोबा महाराज‎ यात्रोत्सवास प्रारंभ हाेत आहे. चार‎ दिवस चालणाऱ्या यात्रोत्सवात‎ विविध धार्मिक कार्यक्रम होणार‎ आहेत. यात्रेची तयारी पूर्ण झाली‎ असल्याची माहिती समितीकडून‎ देण्यात आली.‎ सरपंच शिवाजी घुगे, पोलिस‎ पाटील संदीप कुटे, तंटामुक्ती‎ समितीचे अध्यक्ष जयराम कुटे,‎ भगीरथ लांडगे, नामदेव कुटे,‎ भाऊसाहेब बोडके, चंद्रकात कुटे,‎ विठ्ठल लांडगे, लक्ष्मण ताडगे आदीं‎ उपस्थित होते. समितीच्या बैठकीत‎ नियोजनावर चर्चा झाली.‎ यात्रेच्या पहिल्या दिवशी‎ सोमवारी (दि. ६ ) खंडोबा‎ महाराजांची पालखी मिरवणूक‎ काढण्यात येणार आहे.

सनई, संबळ‎ मंगलवाद्याच्या गजरात पालखी‎ बागेत नेण्यात येईल. या दिवशी रात्री‎ जय मल्हार मित्र मंडळ मुंबई यांच्या‎ वतीने शोभेच्या दारूच्या‎ आतषबाजीचे आयोजन करण्यात‎ आले आहे. मंगळवारी रात्री ९‎ वाजता मनोरंजनासाठी मंगला‎ बनसोडे यांच्या लोकनाट्याचे‎ आयोजन करण्यात आले आहे.‎ बुधवारी सकाळी ९ वाजता हजेरीचा‎ कार्यक्रम होणार आहे.

दुपारी तीन‎ वाजता कुस्त्यांची दंगल आयाेजित‎ करण्यात आली आहे. यात्रेच्या‎ अखेरच्या दिवशी गुरुवारी खंडोबा‎ महाराजांची पालखी बागेतून मंदिरात‎ मिरवणुकीने आणण्यात येणार आहे.‎ यानंतर यात्रेची सांगता होणार आहे.‎ यात्राेत्सव यशस्वितेसाठी यात्रा‎ समितीचे पदाधिकारी परिश्रम घेत‎ आहेत.‎