संडे बिग स्टोरी:गस्तीचे 1100 ‘क्यूआर’ काेड अडगळीत,‎ बीट मार्शल उरले फक्त टपाली कामांपुरते‎

शहरातील गुन्हेगारी नियंत्रण व पाेलिस‎ दलाचा वचक निर्माण करण्यासाठी‎ कुठल्याही घटनेच्या वेळी घटनास्थळी‎ कमीत कमी वेळेत पाेलिस पाेहाेचण्यासाठी‎ तत्कालीन पाेलिस आयुक्त विश्वास‎ नांगरे-पाटील यांच्या कार्यकाळात‎ आयुक्तालय हद्दीत सार्वजनिक व‎ संवदेनशील ठिकाणांवर ‘क्यूआर काेड’‎ लावण्यात आले. याठिकाणी २४ तासातून‎ किमान चार ते सहा वेळा बीट मार्शल,‎ वरिष्ठ निरीक्षकांसह कर्मचाऱ्यांना ठरवून‎ दिलेल्या वेळेत गस्त पूर्ण करून त्यांनी‎ त्यांच्या माे बाइलवर काेड स्कॅन करण्याचे‎ आदेश देण्यात आले.

सर्वच पाेलिस‎ ठाण्यांच्या अंतर्गत नियुक्त बीट‎ मार्शलकडून त्याची काटेकाेर‎ अंमलबजावणी हाेत असल्याने त्या‎ ठिकाणी टवाळखाेर, मद्यपी, अश्लील‎ चाळे करणाऱ्यांवर प्रेमीयुगुल व सराईत‎ गुन्हेगारांना जरब बसली हाेती. मात्र, गेल्या‎ दीड वर्षापासून हे ‘क्यूआर काेड’‎ दिखावाच ठरत आहेत.‎ विशेष म्हणजे, आयुक्तालयाच्या हद्दीत‎ चाेवीस तास गस्त घालणाऱ्या बीट‎ मार्शलची संख्या देखील अपुरी असून‎ त्यांना गस्तीसाठी दुचाकीच उपलब्ध‎ नसल्याची बाब यानिमित्त समाेर आली‎ आहे. या बीट मार्शलला पाेलिस ठाण्याचे‎ टपाल आयुक्तालयात अथवा इतर‎ अधिकाऱ्यांच्या दालनाता देण्यासाठीच‎ फिरावे लागत असल्याचेही चित्र आहे.‎ तत्कालीन पाेलिस आयुक्त रवींद्र कुमार‎ सिंगल व त्यांनतर सन २०१९ मध्ये‎ तत्कालीन आयुक्त विश्वास नांगरे पाटील‎ यांच्या कार्यकाळात वाढती गुन्हेगारी‎ नियंत्रणासाठी विविध उपाययाेजना‎ करण्यात आल्या हाेत्या.

अधिकाऱ्यांनी स्वत: यावे‎
दिवसा दुपारी १ ते सायं. ५ वाजेच्या व‎ ‎ रात्री ९ ते १२ वाजेच्या‎ ‎ सुमारास सुरुवातीला‎ ‎ नियमित पाेलिसांची‎ ‎ गस्त व्हायची. क्यू‎ ‎ आर स्कॅनिंगमुळे‎ ‎ कर्मचारी येत‎ ‎ असल्याने ट्रॅकवर‎ अश्लील चाळे करणारे व‎ टवाळखाेरांवर जरब हाेती. आता स्थिती‎ गंभीर असून स्वत: वरिष्ठ अधिकाऱ्यांनी‎ गस्त घालण्याची वेळ आली आहे.‎ - कृष्णा नागरे, जाॅगर्स क्लब‎

गुन्हेगारीत‎‎ लक्षणीय‎ वाढ‎
नाशिक शहरात खून, दराेडे, प्राणघातक हल्ले, साेनसाखळी चाेरीसारख्या गंभीर गुन्ह्याच्या संख्येत‎ लक्षणीय वाढ हाेत असून सन २०२१ मध्ये २८४४ गुन्ह्यांची नाेंद झाली . २०२२ मध्येच या संख्येतमध्ये‎ ७०० हून अधिक गुन्ह्यांची वाढ हाेऊन ३४५० गुन्हे नाेंदले गेले हाेते. यामध्ये गत वर्षांत खुनाचे ३० गुन्हे‎ तर प्राणघातक हल्ले २९, साेनसाखळी लुटीच्या गुन्ह्यांची संख्या ८० वर पाेहाेचली हाेती.‎

याेग्य उपाययाेजना करणार‎
आयुक्तालय हद्दीत क्यूआर काेड‎ ‎ आधारित गस्त काही‎ ‎ तांत्रिक अडचणींमुळे बंद‎ ‎ असली तरी नव्याने त्यात‎ ‎ सुधारणा करून बीट‎ ‎ मार्शलची स्वतंत्र गस्त‎ ‎ वाढविण्यात येणार आहे.‎ ‎ अपुरे मनुष्यबळ व कमी‎ वाहन या समस्याही दूर केल्या जातील.‎ लवकरच शहरात क्यूआर कोडची संख्या,‎ नियमितपणे गस्त वाढवून नागरिकांच्या‎ सुरक्षेला प्राधान्य देण्यात येईल.‎ - अंकुश शिंदे पोलिस आयुक्त‎

वाहनांचा जाणवताेय तुटवडा,‎ स्वमालकीच्या गाड्यांवर गस्त‎
क्यूआर काेडस्कॅनिंगसह गस्तीची मुख्य जबाबदारी‎ असणाऱ्या बीट मार्शलची संख्या आणि त्यांची हद्द‎ बघता एकेका कर्मचाऱ्याला चार ते पाच‎ किलाेमीटर क्षेत्रावर देखरेख ठेवणे अशक्य आहे.‎ त्यातच १३ पाेलिस ठाण्यांतील ६५ पाेलिस‎ चाैक्यांसाठी प्रत्येकी एकेक बीट मार्शल नियुक्त‎ असले तरी प्रत्यक्षात त्यांची संख्या केवळ ५० ते‎ ५२ इतकीच आहे. आणि एकेका मार्शलला २५-२५‎ ठिकाणी १२ तासांत चार-चार वेळा भेट देऊन‎ गुन्हेगारी राेखणे शक्यच नसल्याने ही कारवाई‎ कागदावरच राहत आहे. पंचवटी, अंबड सारख्या‎ माेठ्या पाेलिस ठाण्यांमध्ये सुद्धा ५ बीट मार्शलला‎ केवळ एक- दाेनच दुचाकी आहेत. निम्म्याहून‎ अधिक बीट मार्शल ना स्वमालकीच्या वाहनांवर‎ गस्त घालावी लागते.‎