फसवणूक ‎:जमीन खरेदीच्या बहाण्याने सराफ ‎ व्यावसायिकाची 1.5 काेटींची फसवणूक ‎

नाशिक सराफ बाजारातील व्यावसायिकाने परिचित‎ असलेल्या कुटुंबियांना वास्तुशांतीच्या‎ कार्यक्रमासाठी व साेने खरेदीसाठी उसनवार‎ दिलेल्या रकमेच्या माेबदल्यात परिचिताने जमीन‎ खरेदी करून देण्याचा बहाणा करीत सुमारे १ काेटी‎ ६१ लाखांना गंडा घातल्याचा प्रकार उघडकीस‎ आला आहे.‎

यासंदर्भात, सराफी व्यावसायिक प्रशांत गुरव‎ यांनी जिल्हा न्यायालयात दावा दाखल केला असता‎ न्यायालयाने संशयितांच्या विराेधात फसवणुकीचा‎ गुन्हा दाखल करण्याबाबत पाेलिसांना चाैकशीचे‎ आदेश दिले आहेत. गुरव यांनी दिलेल्या‎ माहितीनुसार, संशयित मकरंद प्रभाकर दास्ताने,‎ सुजाता मकरंद दास्ताने, शकुंतला प्रभाकर दास्ताने,‎ विष्णू गांगुर्डे आणि संदीप गांगुर्डे या संशयितांवर गुन्हा दाखल करण्याचे आदेश‎ न्यायालयाने दिले आहेत. संशयित दास्ताने यांनी गुरव‎ यांच्याकडून घरभरणी व सोने खरेदीकरिता वेळोवेळी‎ ४४ लाख रुपये घेतले. हीरक्कम परत करण्यासाठी‎ दास्ताने यांनी आदिवासी जमीनीचा व्यवहार केला.‎

त्र्यंबकेश्वर तालुक्यातील तळेगाव येथील रामदास‎ गांगुडे यांची आदिवासी मिळकत गुरव यांच्या नावे‎ खरेदी खत करून घेततलेली रक्कम परत देण्याचे‎ आश्वासन गुरव यांना दिले हाेते. दरम्यान, ही जमीन‎ खरेदीसाठी २ लाख ३४ हजाराच नजराण्याची‎ रक्कमही गुरव यांच्याकडून स्वत:च्या बॅंक खात्यात‎ वळवून घेतली. त्यांनतर गुरव यांनी दास्ताने यांच्याशी‎ संर्पक साधल्यानंतरही त्यांनी उडवाउडवीची उत्तरे‎ दिली. यावरून गुरव यंाना संशय आला असता त्यांना‎ जिल्हाधिकारी कार्यालयातील कुळ कायदा शाखेकडे‎ माहिती अधिकारात माहिती मगाविली असता त्यात‎ गुरव यांच्या नावावर शेतजमिन करण्याचा कुठलाही‎ प्रस्ताव दाखल नसल्यचाे समजाताच त्यांची फसवणूक‎ झाल्याचे लक्षात आले.

याबाबत गुरव यांच्या वतीने‎ अॅड. राहूल पाटील यांनी न्यायालयात संशयितांनी‎ फसवणूक केल्याचे निदर्शनास आणून देताच‎ न्यायालयाने पुरावे लक्षात घेता पाचही‎ संशयितांविराेधात अतिरिक्त मुख्य न्यायदंडाधिकारी‎ काडूस्कर यांनी गुन्हा दाखल करून चाैकशीचे‎ आदेश दिले आहेत.‎