ग्राहकाला दिलासा:गृहकर्ज फेडले, तरीही फ्लॅटचे मूळ दस्त‎ न दिल्याने खासगी बँकेला 15 हजार दंड‎

गृहकर्जाची नियमित परतफेड‎ केल्यानंतरही गृहकर्ज देताना‎ ठरलेल्या व्याजाच्या व्यतिरिक्त‎ अधिक व्याज आकारत आणखी‎ कर्जफेड करण्यास तगादा लावत‎ सदनिकेचे मूळ दस्त न देणाऱ्या‎ एका खासगी बँकेला ग्राहक‎ न्यायालयाने १५ हजारांचा दंड‎ आणि कर्जमुक्त असल्याचा‎ दाखला व मूळ दस्त देण्याचे‎ आदेश ग्राहक न्यायालयाने दिले.‎ याबाबत तक्रारदार विजय‎ चाळीसगावकर (रा. जेलरोड)‎ यांनी ग्राहक न्यायालयात दिलेल्या‎ तक्रारीनुसार त्यांनी २००९ मध्ये‎ एका खासगी बँकेकडून ५ लाख‎ ५० हजाराचे गृहकर्ज घेतले होते.‎

१२ वर्षे म्हणजे १४४ हप्ते फेडायचे‎ होते. तक्रारदार यांनी कर्ज नियमित‎ फेडले. मात्र संबंधित बँकेत २०२१‎ मध्ये चौकशी केली असता‎ बँकेच्या गृहकर्ज विभागाने १४४‎ एवजी १८२ महिने कर्जफेड‎ करायची असल्याचे सांगितले.‎ न्यायालयाने दोन्ही बाजूंचा‎ युक्तिवाद एेकून घेतला. बँकेकडून‎ तक्रारदार हे थकीत कर्जदार‎ असल्याचे सांगत बचाव करण्यात‎ आला.

तक्रारदारांच्या वकिलांनी‎ या आधीच्या निकालांचे दाखले‎ देत तक्रार योग्य असल्याचे‎ सांगितले.‎ ग्राहक न्यायालयाचे अध्यक्ष‎ मिलिंद सोनवणे, सदस्य प्रेरणा‎ काळुंखे, सचिन शिंपी यांनी बँकेने‎ तक्रारदाराला कर्ज नील‎ असल्याचा दाखला व आणि‎ सदनिकेचे मूळ डिड्स द्यावे तसेच‎ शारीरिक मानसिक त्रासापोटी १५‎ हजार रुपये द्यावे, असे आदेश‎ दिले.‎