शिबिर:रेडक्राॅसच्या सुदृढ बालक‎ स्पर्धेत 155  स्पर्धक‎

इंडियन रेडक्रॉसकडून महिला‎ दिनानिमित्त आयाेजित‎ फिजिओथेरपी व बॉडी कॉम्पोझिशन‎ शिबिराचा लाभ ७० महिलांनी‎ घेतला. याशिवाय सुदृढ बालक‎ स्पर्धेत १५५ बालक सहभागी झाले.‎ सुदृढ बालक स्पर्धेत १ वर्षाखालील‎ गटात हर्षित शिंदे, १ वर्ष ते ३ वर्षे‎ गटात शिवन्या जाधव आणि ३ वर्षे‎ ते ६ वर्षे वयाेगटात तक्षील पाटील हे‎ प्रथम क्रमांकाच्या पुरस्काराचे‎ विजेते ठरले त्यांना मातांसह‎ गौरवण्यात आले.

लहानपणी‎ पालकांनी घेतलेल्या अतिरिक्त‎ परिश्रमामुळे मुले सशक्त व निरोगी‎ बनतात. भविष्यात ही मुले‎ जबाबदार नागरिक या नात्याने‎ देशाचेही नाव सर्वदूर पोहोचवतात.‎ या प्रवासात महिलांचे योगदान‎ अधिक असल्याने त्यांनी‎ इतरांबरोबर स्वतःच्या आरोग्याकडे‎ अधिक लक्ष देणे ही काळाची गरज‎ आहे, असे प्रतिपादन राज्य गुप्तवार्ता‎ नाशिक विभागाच्या उपायुक्त गीता‎ चव्हाण यांनी केले.‎ इंडियन रेडक्राॅस सोसायटी,‎ सुयोग चाइल्ड अँड चेस्ट केअर,‎ आणि मविप्रचे डॉ. वसंतराव पवार‎ मेडिकल कॉलेज यांच्या संयुक्त‎ विद्यमाने महिला गौरव आणि‎ आरोग्य शिबिराचे आयाेजनदेखील‎ करण्यात आले.‎