डी. बी. स्टार एक्स्पाेज‎:संदर्भ सेवा रुग्णालयाची दोन कोटी रुपयांच्या‎ पाणीपट्टीसह वीज व फाेनबिलाचे थकले 25 ल‍ाख‎

राज्यातील दोन सुपरस्पेशालिटी हॉस्पिटलपैकी एक‎ असलेल्या नाशिकच्या संदर्भ सेवा रुग्णालयासाठी आरोग्य‎ विभागाकडून स्वतंत्र निधीची तरतूद नसल्याने वैद्यकीय‎ अधिकाऱ्यांना अडचणींचा सामना करावा लागत आहे.‎ रुग्णालयाची एक कोटी ९३ लाख १८ हजार १६८ रुपये पाणीपट्टी‎ थकीत आहे. त्याचबरोबर, वीज व दूरध्वनीचेही २४ लाख ९१‎ हजार ५८० रुपयांचे बिल थकल्याचे समोर आले आहे. यावर‎ डी. बी. स्टारने टाकलेला हा प्रकाशझोत...‎

राज्य शासनाकडून २००८ मध्ये नाशकात उत्तर‎ महाराष्ट्रातील नागरिकांना चांगल्या दर्जाच्या आरोग्यसेवा‎ पुरविण्याच्या हेतूने विभागीय संदर्भ सेवा रुग्णालय सुरू केले‎ आहे. या रुग्णालयात केवळ उत्तर महाराष्ट्रातीलच नव्हे, तर‎ पश्चिम महाराष्ट्र, मराठवाडा, विदर्भातूनही नागरिक‎ उपचारासाठी येतात. महात्मा फुले जनआराेग्य योजनेचा‎ सर्वाधिक लाभ या रुग्णालयाने रुग्णांना प्राप्त करून दिला‎ आहे.

संदर्भ रुग्णालयात ह्रदयरोग, मूत्रपिंड व कर्करोगग्रस्तावर‎ उपचार केले जात आहे. उत्तर महाराष्ट्रातील रुग्णांसाठी‎ अत्यंत महत्त्वाचे असलेल्या शंभर खाटांचे विभागीय संदर्भ‎ सेवा रुग्णालयासाठी शासनाकडून निधी उपलब्ध होत‎ नसल्याचे चित्र आहे. त्यामुळे विविध बिलांसह यंत्रणेच्या‎ दुरुस्तीच्या कामांनाही अडचण येत आहे. संदर्भ‎ रुग्णालयातील कामकाजासाठी स्वतंत्र निधी देण्याकडे‎ आरोग्य मंत्रालयच उदासीन आहे. शासकीय रुग्णालयांसाठी‎ स्वतंत्र निधी उपलब्ध करून दिला जात असताना‎ सुपरस्पेशालिटी हॉस्पिटलसाठी असा स्वतंत्र निधी नसल्याचे‎ चित्र आहे. त्यामुळे विकास खुंटला असून दीनदुबळ्यांना‎ सुपरसेवा मिळण्यास अडचणी येत आहेत.

रुग्णालयातील‎ पाणीपट्टी व विद्युत व दुरध्वनीचे बिल थकलेले असून‎ यंत्रणेच्या दुरुस्तीसाठी अडचणींचा सामना करावा लागत‎ आहे. त्याचबरोबर, कार्डिआेलॉजिकतज्ज्ञ, भूलतज्ज्ञ,‎ रेडिओथेरेपिस्ट आदी तज्ज्ञ अधिकाऱ्यांना नाममात्र मानधन‎ दिल्याने ते पूर्णवेळ सेवा देत नाहीत. आरोग्य कर्मचाऱ्यांचीही‎ नेमणूक कंत्राटी पद्धतीने आहे. त्यामुळे रुग्णांसाठी मोठी‎ समस्या उद्‌भवते. सुपरस्पेशालिटी हॉस्पिटलसाठी स्वतंत्र‎ निधीचे नियोजन आरोग्य मंत्रालयाने केलेले नाही. महागड्या‎ यंत्रणा व तज्ज्ञ डॉक्‍टर आहेत. परंतु, त्यांना मिळणाऱ्या सुविधा‎ व निधी नसल्याने त्याचा त्रास रुग्णांना होत आहे.‎

महापालिकेकडून रुग्णालय प्रशासनाला नोटीस‎
सरकारी रुग्णालय असले तरी त्यांना‎ महापालिकेचा पाणीपट्टी व मालमत्ताकर‎ भरणे बंधनकारक आहे. परंतु, गेल्या‎ अनेक वर्षांपासून महापालिकेचा कुठलाच‎ कर अदा करण्याची जबाबदारी नाही या‎ आविर्भाव

१४ वर्षांपासून थकबाकी‎
विभागीय संदर्भ सेवा‎ रुग्णालयासह काही शासकीय कार्यालये‎ असताना महापालिकेने दणका देत यांना‎ नोटिसा बजावत कर अदा करण्याच्या‎ सूचना दिल्या. संदर्भ रुग्णालयाची १ कोटी‎ ९३ लाख १८ हजार १६८ रुपये पाणीपट्टी‎ थकीत असून मध्यंतरी रुग्णालय‎ प्रशासनाकडून केवळ चार लाख रुपये‎ भरण्यात आले होते.‎

दर महिन्याला पाठवतोय समरणपत्र‎
‎संदर्भ रुग्णालयाचे सुमारे दोन कोटी पाणीपट्टीचे‎ ‎ बिल थकीत असून रुग्णालय प्रशानाला‎ ‎ महापालिकेकडून सतत पाठपुरावा केला जात आहे.‎ ‎ रुग्णालय प्रशासनाकडून आरोग्य सहसंचालकांनाही‎ ‎ पत्र पाठवून निधीची मागणी केलेली आहे. सोमवारी‎ यासंदर्भात रुग्णालय प्रशासनाबरोबर बैठकही आहे. पूर्व विभागाकडून‎ आम्ही दरमहिन्याला रुग्णालयाला पट्टी भरण्याचे स्मरणपत्र पाठवत‎ आहे.‎ - राजाराम जाधव, विभागीय अधिकारी, पूर्व विभाग‎

निधी मिळाल्यानंतर बिल भरणार‎
‎संदर्भसेवा रुग्णालयाचे पाणीपट्टीचे‎ ‎ बिल थकीत आहे. त्यात काही पेमेंट‎ ‎ महापालिकेला करण्यात आलेले आहे.‎ ‎ उर्वरित रक्कम ही लवकरच अदा केली‎ ‎ जाणार आहे. तसेच, विद्युत व‎ ‎ दुरध्वनीचे ही काही बील अदा केलेले‎ आहे. निधी प्राप्त झाल्यानंतर हे बील ही अदा केली जाईल.‎ - डॉ. विलास पाटील, वैद्यकीय अधीक्षक, संदर्भ सेवा‎ रुग्णालय‎

रुग्णालयाचा वीज पुरवठा‎ खंडित होण्याची शक्यता‎
संदर्भ सेवा रुग्णालयाचे विद्युत व दुरध्वनीचे ही २४‎ लाख ९१ हजार ५८० रुपयांचे बिल थकल्याचीही‎ माहिती समोर आली आहे. महावितरण कंपनीने‎ वारंवार पाठपुरावा करूनही रुग्णालयानी थकबाकी‎ भरली नसल्याची माहिती समोर आली असून यामुळे‎ रुग्णालयाचा वीजपुरवठा खंडित होण्याची शक्यता‎ असल्याची माहिती सूत्रांनी दिली आहे.‎

इमारत बांधकामाच्या‎ पूर्णत्वाचा दाखला नाही‎
संदर्भ रुग्णालयाच्या इमारतीस बांधकाम‎ पूर्णत्वाचा दाखलाही नसल्याची‎ धक्कादायक माहिती डी. बी. स्टारला प्राप्त‎ झाली आहे. त्यामुळे महापालिकेचा‎ मिळकत कर ही मागील २००९ पासून बुडत‎ असल्याची धक्कादायक बाब समोर‎ आली.‎