सहायक लाेकाे पायलटसह टेक्निशियनचीही भरती‎:2018 च्या प्रतीक्षा यादीतील‎ 398 उमेदवारांना रेल्वेत संधी‎

२०१८ पासून प्रतीक्षा यादीत असलेल्या ३९८‎ सहाय्यक लाेकाे पायलटला अखेर रेल्वेत संधी‎ मिळाली आहे. त्यांना नुकतेच रूजू करून‎ घेण्यात आले. याशिवाय देशातील ५८४१‎ सहायक लाेकाे पायलट पदाची भरती रेल्वे‎ प्रशासनाने नुकतीच केली. यात महाराष्ट्रातील‎ ५०० उमेदवारांचा समावेश आहे. यासाेबतच‎ ११८० उमेदवारांना टेक्निशियन म्हणून सामावून‎ घेण्यात आले आहे. यात नाशिक जिल्ह्यातील‎ उमेदवारांनाही संधी मिळाली आहे.

केंद्रीय‎ रेल्वे राज्यमंत्री रावसाहेब दानवे यांनी मुंबईतील‎ कार्यक्रमात याबाबतची माहिती दिली.‎ ३९८ उमेदवारांचा मेळावा व भरती प्रक्रियेबद्दल‎ दानवे यांचा सत्कार आयाेजित करण्यात‎ आला. रेल्वेला स्वत:ची आई समजून तिचा‎ सांभाळ करा, जेथे पाेस्टिंग मिळेल तेथे काम‎ करा, बदलीसाठी प्रयत्न करू नका. नवनवीन‎ संकल्पना राबवून रेल्वेचे उत्पन्न वाढीसाठी‎ प्रयत्न करावेत, असे आवाहन दानवे यांनी या‎ कार्यक्रमात केले.

अनेकवेळा प्रयत्न करूनही‎ प्रतिक्षा यादीवरील उमेदवारांना नियुक्तीपत्र‎ मिळत नसल्याने काही उमेदवारांनी २०२२ मध्ये‎ महापालिकेचे माजी सभागृहनेते दिनकर‎ पाटील व भाजयुमाेचे शहर उपाध्यक्ष अमाेल‎ पाटील यांच्याकडे मध्यस्थी करण्याची‎ विनवणी केली हाेती. पाटील कुटुंबियांनी‎ केंद्रीय रेल्वे राज्यमंत्री रावसाहेब दानवे‎ यांच्याकडे सतत पाठपुरावा केला. त्यांच्या‎ पाठपुराव्यामुळे ३९८ पदांची भरती झाली.‎ रेल्वेमंत्र्यांच्या हस्ते माजी दिनकर पाटील व‎ अमाेल पाटील यांचा सत्कार करण्यात आला.‎ यावेळी राज्याचे माजी गृहमंत्री बाळा‎ नांदगावकर, रेल्वेचे डीआरएम आदी उपस्थित‎ हाेते.‎