दहशत माजवण्याचा प्रयत्न:काठे गल्लीत टवाळांनी फाेडल्या 4 कार‎

काठे गल्ली परिसरातील धवलगिरी साेसायटी व शंकरनगर ‎ परिसरातील इमारतीच्या पार्किंग व रस्त्यावर उभ्या असलेल्या‎ चार कारच्या काचा बुधवारी मध्यरात्री टवाळांनी फाेडल्या.‎ तीन संशयितांना तपाेवनातून ताब्यात घेण्यात आले.‎

रवींद्र शाळेजवळील बरखाबहार साेसायटीतील साैरभ‎ मराठे यांचे चारचाकी वाहन (एमएच ०४ जीयू ८३२४ ),‎ रवींद्र शाळेसमाेर लावण्यात आलेली मुर्तंजा अत्तरवाला‎ यांची (एचमएच ४८ पी ०७१६,) धवलगिरी साेसायटी‎ परिसरातील सीमा पेठकर यांच्या घरासमाेरील चारचाकी‎ (एमएच १५ जीएस ५५१०) व शंकरनगर परिसरातील सिद्धेश‎ भडके यांची (एमएच १५ डीएस २८०५ ) यांच्या कारच्या‎ काचा टवाळखाेरांनी रात्री २ वाजेच्या सुमारास दुचाकीवर‎‎ ट्रिपल येत फाेडत दहशत माजवण्याचा प्रयत्न केला.‎

भद्रकाली पाेलिस ठाण्याचे वरिष्ठ पाेलिस निरीक्षक दत्ता‎ पवार आणि सहकाऱ्यांनी दुकानामधील सीसीटीव्हीच्या‎ आधारे संशयित नीलेश पवार, सुमीत पगारे, विकी जावरे या‎ टवाळखाेरांच्या तपाेवनातून मुसक्या आवळल्या.‎