निर्णय:4 कोविड केअर सेंटरबराेबरच‎ आॅक्सिजन प्लांटही गुंडाळणार‎

कोरोनाची पुढील कोणतीही लाट‎ येण्याची चिन्हे दिसत नसल्यामुळे‎ महापालिकेने आता तपोवन,‎ समाजकल्याण वसतिगृह पाठोपाठ‎ अंबड, मीनाताई ठाकरे स्टेडियम,‎ संभाजी स्टेडियम, ठक्कर डोम येथील‎ कोविड सेंटर्स गुंडाळले असून या‎ कोविड सेंटरमधील रुग्णांकरिता‎ कोट्यवधी रुपये खर्च करून‎ उभारण्यात आलेले आॅक्सिजन प्लांट‎ आता भांडारात जमा करण्याचा निर्णय‎ घेतला आहे तसेच येथील वीज मीटर‎ देखील विद्युत विभागाकडे हस्तांतरित‎ केले जाणार आहे.‎ नाशिकमध्ये कोरोनाच्या दुसऱ्या‎ लाटेत आॅक्सिजन कमतरतेमुळे‎ अनेकांचा जीवही गेला.

शहरात‎ दिवसाला १०० मे. टन आॅक्सिजनची‎ गरज भासत होती. यासाठी‎ महापालिकेने कोविड सेंटर्सच्या‎ ठिकाणी हवेतून आॅक्सिजन शोषून‎ घेणारे स्वत:चे २३ आॅक्सिजन प्लांट‎ उभारले होते. त्यात झाकीर हुसेन व‎ बिटकाे रुग्णालयात सर्वात मोठे प्रकल्प‎ होते. पाठोपाठ ठक्कर डोम येथील ३२५‎ खाटांच्या कोविड सेंटरसाठी ६०० लिटर‎ प्रति मिनिट क्षमतेचे तीन, मीनाताई‎ ठाकरे स्टेडियम येथे ५०० लिटर‎ प्रतिमिनिट क्षमतेचे दोन, संभाजी‎ स्टेडियम येथील ३०० खाटांच्या कोविड‎ सेंटरकरिता ५०० लिटर प्रति मिनिट‎ क्षमतेचे दोन तसेच अंबड येथील ५००‎ खाटांच्या कोविड सेंटरकरिता ५००‎ लिटर प्रतिमिनिट क्षमतेचे तीन आॅक्सिजन‎ प्लांट उभारण्यात आले होते.

दैनंदिन‎ मागणीच्या तिप्पट अर्थातच २४४ मे.टन‎ प्रतिदिनपर्यंत आॅक्सिजन निर्मितीची‎ क्षमता वाढविली होती. सध्या, जेमतेम‎ एकच कोरोना रुग्ण उपचार घेत आहे.‎ त्यामुळे महापालिकेने खासगी‎ ठिकाणी उभारलेले कोविड सेंटर्स‎ गुंडाळले असून येथील आॅक्सिजन‎ प्लांट हटवून ते महापालिकेच्या भांडार‎ विभागात जमा केले जाणार आहेत.‎ वास्तविक, हे आॅक्सिजन प्लांट‎ महापालिकेच्या मलनिस्सारण‎ केंद्रांमध्ये उपयोगात आणण्याचा प्रयत्न‎ होता मात्र मलनिस्सारण विभागाने हा‎ प्रस्ताव नाकारल्यामुळे आॅक्सिजन‎ प्लांट भांडार विभागात जमा केले‎ जाणार आहे. एकदाही वापर न‎ केलेले अंबड कोविड सेंटरही‎ गुंडाळणण्याची तयारी आहे.‎