उपक्रम:कारागृहातील वाचनालयास 45 पुस्तके, बंदिवानांना याेगाचे धडे

इनरव्हील क्लब आॅफ नाशिकने‎ प्राणायम आणि ध्यान हे सत्र घेऊन प्रौढ‎ कैद्यांना (बंदिवान) त्यांच्या निरोगी मन‎ आणि शरीरासाठी शिक्षित करण्याचे‎ ठरवले आहेे. याशिवाय कारागृहातील‎ वाचनालयासाठी पाच हजाराची ४५‎ पुस्तके भेट दिले असून बंदिवानांना‎ वाचनाचे महत्त्व इनरव्हील क्लब पटवून‎ देत आहे. त्याच प्रयत्नातून गुन्हेगारी‎ विश्वातून बंदिवानांना बाहेर काढून‎ तुरुंगातून सुटल्यावर सामान्य जीवन‎ जगण्यासाठी प्राेत्साहित केले जात आहे.‎ नाशिकरोडच्या मध्यवर्ती‎ कारागृहातील कैद्यांना योगाचे महत्त्व‎ समजावून सांगण्यासाठी क्लबचे सदस्य‎ कारागृहात गेले हाेते. क्लबच्या सदस्या‎ योगगुरू शुभांगी सोनवणे यांनी सर्व‎ कैद्यांना प्राणायाम आणि ध्यान यांची‎ प्रात्यक्षिके दाखविली. ध्यान, प्राणायाम‎ निरोगी रहायला आणि मन शांत‎ ठेवण्यासाठी उपयुक्त कसे ठरते हे‎ समजावून सांगत, प्राणायामचे प्रकार‎ शिकविले. तुरुंगात प्रशासनातर्फे‎ बंदिवानांना राेजगारही उपलब्ध करून‎ दिला आहे.‎

मध्यवर्ती कारागृहाचे पोलिस अधीक्षक‎ प्रमोद वाघ शिबिराला उपस्थित होते. ध्यान‎ सत्रानंतर सदस्यांनी कैद्यांशी त्यांना‎ ध्यानामुळे आलेल्या अनुभवाची चर्चा‎ केली. यामुळे असे लक्षात आले की, त्यांना‎ त्यांच्या मनासाठी आणि शरीरासाठी ध्यान‎ आणि प्राणायामचे महत्त्व समजले. २००‎ कैद्यांनी या सत्राचा लाभ घेतला. बंदिवानांना‎ वाचनाने नवीन दिशा मिळावी आणि‎ त्यासाठी कारागृहाच्या वाचनालयात चार‎ हजार ग्रंथ उपलब्ध आहेत.

त्याचा लाभ‎ बंदिवानांनी घ्यावा, असे यावेळी कारागृहाचे‎ अधीक्षक प्रमाेद वाघ यांनी मार्गदर्शन केले.‎ क्लबच्या अध्यक्ष धारा मालुंजकर यांनी‎ सासूबाई श्रीमती इंदुमती मालुंजकर यांच्या‎ वाढदिवसानिमित्त ४५ विविध कथा आणि‎ माहितीपूर्ण पुस्तके या वाचनालयाला भेट‎ दिली. सचिव डॉ. ज्योत्स्ना पवार यांनी‎ आभार मानले. पाेलिस उपअधीक्षक सचिन‎ चिकणे, वरिष्ठ जेलर अशोक मलवाड,‎ शिक्षक हेमंत पोद्दार या सत्राला उपस्थित‎ होते. क्लबच्या श्रद्धा कोतवाल, शर्मिला‎ मेहता, आशा घाडगे, प्रज्ञा गोखले, श्रद्धा‎ कोतवाल आदी उपस्थित होत्या.‎

समाजासमाेर आदर्श‎
इनरव्हील क्लबच्या वतीने समाजातील‎ वंचित घटकांसाठी विविध उपक्रम‎ राबविण्यात येतात. तसेच नागरिकानंा‎ आराेग्याबाबत देखील जनजागृती‎ केली जात आहे.‎

सामाजिक बांधिलकीतून घेतली जबाबदारी‎
प्रत्येक कैदी गुन्हेगार नसतो. कधी परिस्थिती‎ त्याला अपघाताने गुन्हा करायला लावते.‎ निर्दोष सिद्ध होईपर्यंत तुरुंगवास संपत नाही.‎ आता त्या गुन्ह्याची शिक्षा त्याला मिळत आहे,‎ पण आयुष्यात काय करावे आणि काय करू‎ नये हे सांगणारे कोणी नसेल तर ती जबाबदारी‎ सामाजिक बांधिलकीतून आम्ही घ्यायला‎ काय हरकत आहे?‎ ‎- धारा मालुंजकर,‎ अध्यक्ष, इनरव्हील क्लब‎