दिव्य मराठी विशेष:आदिवासींच्या 50 हजार गाेवऱ्या पाेहाेचल्या घराेघरी‎

हाेळी करिता गाेवऱ्या तयार करण्याच्या कामातून‎ त्र्यंबकेश्वर तालुक्यातील बेरवळ, झंपावाडी,‎ वाघचाैडा आणि हिवाळी या चार अतिदुर्गम‎ आदिवासी पाड्यांवरील महिला आर्थिक‎ सक्षमतेकडे वाटचाल करीत आहेत. श्री गुरुजी‎ रुग्णालयाच्या संकल्प सेवा समितीच्या‎ उपक्रमातून या महिलांनी तयार केलेल्या ५० हजार‎ गाेवऱ्या घराघरांत रास्त दरांत पाेहाचविण्यात‎ आल्या. त्यातून या २४ महिलांना वर्षभर पुरेल‎ इतका किराणा खरेदी करता येऊ शकणार आहे.‎ संकल्प सेवा समितीकडून त्र्यंबकेश्वर आणि‎ पेठ तालुक्यातील ५३ आदिवासी पाड्यांवर‎ विविध विषयांवर काम केले जात आहे. त्यातच‎ महिला सक्षमीकरणासाठी गाेवऱ्यांच्या माध्यमातून‎‎‎‎‎‎‎‎‎‎‎ उत्पन्न ही याेजना पाच वर्षांपासून राबविली जात‎ आहे.

हे पाडे इतके दुर्गम आहेत की येथे वाहन‎ पाेहाेचणेही माेठ्या जिकिरीचे काम आहे. येथे‎ जंगलात शेण गाेळा करून या महिला गाेवऱ्या‎ तयार करतात. त्यांना सेवा समितीच्या वतीने‎ गाेवऱ्या एका आकारातच तयार व्हाव्यात‎‎‎‎‎‎‎‎‎‎‎ याकरिता साचे तयार करून दिले गेले. यामुळे सर्व‎ गाेवऱ्या ७ इंच गाेलाकार आणि १ इंच उंचीच्या बनू‎ लागल्या. त्या जागेवर खरेदी करून‎ नाशिकमधील श्री गुरुजी रुग्णालयात आणल्या‎ जातात, येथे ५० गाेवऱ्यांचे बाॅक्स बनतात आणि‎ मागणीनुसार घरपाेचही केल्या जातात. यंदा या‎‎‎‎‎‎‎‎‎‎‎ महिलांनी ७६ हजार गाेवऱ्या समितीला दिल्या‎ त्यापैकी साेमवारी हाेळीच्या सायंकाळपर्यंत ५०‎ हजार गाेवऱ्यांची विक्री झाली. उर्वरित गाेवऱ्या‎ वर्षभर हाेम, पूजा विधी करता विक्री केल्या‎ जाणार असल्याचे संकल्प सेवा समितीचे‎ सेक्रेटरी डाॅ. राजेंद्र खैरे यांनी सांगितले.‎

गाेवऱ्यांसाठी केली १३ सेंटर्स‎‎
यंदा शहरातील विविध भागात १३ सेंटरवर समितीच्या‎ स्वयंसेवकांनी या गाेवऱ्या विक्री केल्या. पाच रुपयाला एक‎ याप्रमाणे ही विक्री केली गेली. गाेवऱ्या तयार करणाऱ्या‎ महिलांना प्रत्येक गाेवरीकरिता २ ते २ .५ रुपये मेहनताना‎ पडला. उर्वरित पैशामध्ये वाहतुकीसारखा खर्चाचा‎ अंतर्भाव आहे. - मिलिंद जाेशी, समन्वयक, महिला‎ सबलीकरण आयाम.‎‎