सामाजिक कार्य:शिवणकाम अन‌् बेकरी प्रशिक्षणाद्वारे‎ 65 महिलांचे स्वावलंबनाकडे पाऊल‎

दिव्य आकांक्षा सामाजिक बहुउद्देशीय‎ संस्था, महापालिका अाणि इंद्रजित‎ टेक्निकल इन्स्टिट्यूटकडून ४० महिलांना‎ बेकरी उत्पादनाचे तर २५ महिलांना‎ शिवणकामाचे प्रशिक्षण देण्यात अाले.‎ महिला स्वावलंबी व्हाव्यात याकरीता हा‎ उपक्रम संस्थांनी संयुक्तपणे माेफत‎ राबविला. विशेष कार्यक्रमात मराठमोळी‎ नऊवारी साडी शिवण कार्यशाळेमध्ये‎ सहभागी झालेल्यांना तसेच बेकरी पदार्थ‎ कार्यशाळेत सहभागी महिलांना प्रमाणपत्रांचे‎ वाटप करण्यात आले.‎ कार्यक्रमाचे आयोजन दिव्य अाकांक्षाच्या‎ अध्यक्षा व माजी नगरसेविका श्रीमती अर्चना‎ संजय जाधव यांनी केले. कार्यक्रमास‎ इंद्रजित टेक्निकल इन्स्टिट्यूटचे संचालक‎ कैलास सोनवणे, धनंजय खैरनार, प्रत्यूषा‎ महिला मंडळाच्या अध्यक्षा स्वाती बेलदार,‎ जयश्री वैद्य, छाया पोटे उपस्थित होते.‎

यावेळी नऊवारी प्रशिक्षित महिलांचे‎ रॅम्पवॉक, एक मिनिट उखाणे स्पर्धा,‎ मनोरंजन पर खेळ घेण्यात आले.‎ रॅम्पवॉकविजेत्या महिलांना बक्षिसे‎ देण्यात आली. बचतगटाद्वारे‎ शासनाच्या अनेक योजना राबविल्या‎ जातात त्या आपण सहभागी महिलांचे‎ बचतगट स्थापन करूनराबवू असे‎ यावेळी इंद्रजितचे संचालक कैलास‎ सोनवणे यांनी सांगितले.

स्वाती‎ आहेर, मंगला पाटील, सीमा शिंदे या‎ महिलांनी कार्यशाळेतील आपले‎ अनुभव व्यक्त केले.‎ कार्यक्रमास वैष्णवी भजनी‎ मंडळाच्या रजनी सराफ, मालती‎ कोठावदे, कुसुम सुतार सीमा‎ कुलकर्णी तसेच श्री गृह उद्योगच्या‎ स्मिता घोटीकर, मालती सराफ यांसह‎ परिसरातील महिला मोठा संख्येने‎ उपस्थित होत्या. कार्यक्रमाचे‎ सूत्रसंचालन स्वाती आष्टीकर यांनी‎ केले. अर्चना जाधव यांनी अाभार‎ मानले. कार्यक्रमात महिलांचा‎ उत्स्फूर्त प्रतिसाद लाभला.‎