सामाजिक दातृत्व:4000 विद्यार्थ्यांसाठी 9 स्मार्ट शाळा;‎ 2000 पुस्तकांचे संगणकीय ग्रंथालय‎‎

डी मार्ट फाउंडेशनच्या वतीने‎ पालिकेच्या शाळेत शिकत‎ असलेल्या विद्यार्थ्यांच्या शैक्षणिक‎ विकासासाठी पुढाकार घेण्यात‎ आला आहेे. याअंतर्गत संस्थेच्या‎ वतीने पालिकेच्या ४ हजार विद्यार्थी‎ प्रवेश श्रमता असलेल्या नऊ शाळा‎ स्मार्ट करण्यात आल्या. या‎ उपक्रमांतर्गत या शाळेतील संगणक,‎ वाचनालय कक्षासह युवा‎ अनस्टॉपेबलमार्फत विकसित‎ करण्यात आल्या आहेत.‎ या प्रकल्पाचे उदघाटन पालिका‎ आयुक्त चंद्रकांत पुलकुंडवार यांच्या‎ हस्ते करण्यात आले. पाच वर्षांसाठी‎ उपक्रम राबविण्यात येणार आहे.‎ यात प्रत्येक शाळेत २१ संगणक,‎ सुमारे २००० पुस्तके, फर्निचर,‎ बोलक्या भिंती आणि इमारतीच्या‎ दर्शनीय भागाचे रंगकाम करण्यात‎ आले आहे. एकूण १७ तज्ज्ञ‎ शिक्षकांची नियुक्ती यासाठी‎ करण्यात आली असून त्यातून वाचन‎ संस्कृतीसाठी प्रयत्न केले जातील.‎ नंतरच्या काळात विद्यार्थ्यांना स्पर्धा‎ परिक्षेचे महत्व पटवून दिले जाईल.‎

मनपा शिक्षण विभागाकडून स्मार्ट‎ स्कूल प्रकल्प हाती घेण्यात आला‎ आहे. सदर प्रकल्पांतर्गत प्रशासन‎ अधिकारी सुनीता धनगर यांच्या‎ मार्गदर्शनाखाली शाळांमध्ये‎ विविध उपक्रम राबविण्यात येत‎ आहेत. स्मार्ट स्कूल प्रकल्पांतर्गत‎ डी मार्ट फाउंडेशन (सी. एस.‎ आर) यांच्या सहयोगाने नऊ‎ शाळांसाठी संगणक कक्ष आणि‎ वाचनालय कक्ष विकसित करून‎ डिजिटल लर्निंग प्रोग्राम व रीडिंग‎ प्रोग्राम उपक्रम राबविण्यात येत‎ असल्याने गरजू विद्यार्थ्यांत आनंद‎ आहे.‎

स्मार्ट गर्ल उपक्रमात विद्यार्थिनींनी बेधडकपणे मांडले विविध प्रश्न‎
पालिकेच्या शाळेत किशोरवयीन मुलींसाठी स्मार्ट गर्ल हा‎ अनोखा उपक्रम भारतीय जैन संघटननेच्या वतीने‎ राबविण्यात येत आहे. यावेळी पालिका आयुक्तांनी‎ विद्यार्थिनी, पालकांसोबत संवाद साधला. विद्यार्थिनींनी‎ ज्या आत्मविश्वासाने आपले अभिप्राय मांडले, त्याचे‎ आयुक्तांनी कौतुक केले. याचा फायदा नऊ शाळांमधील‎ सुमारे ४००० विद्यार्थ्यांना होणार आहे. याशिवाय‎ विद्यार्थ्यांत वाचनाची गाेडी निर्माण केली जाईल.‎