दुर्लक्ष:पालिका शाळेच्या आवारात झाेपड्यांचा वर्ग‎

शहरातील भारतनगर येथील शिवाजीवाडी‎ परिसरातील महापालिका शाळा क्र. ६७ च्या‎ आवारातच झाेपड्यांचा वर्ग भरु लागला आहे. या‎ भागात सध्या ३० ते ३५ अनधिकृत झोपड्या‎ शाळेच्या प्रांगणात उभारल्या आहेत. मात्र‎ महापालिकेचे याकडे दुर्लक्षच आहे.‎ शिवाजीवाडीतील महापालिकेच्या शाळेत‎ अरुंद खोल्यांमध्ये विद्यार्थी दाटीवाटीने शिक्षण‎ घेतात. गेल्या दहा वर्षांपासून नूतन इमारतीची‎ प्रतिक्षा आहे. शिवाजीवाडी, नंदिनीनगर व‎ भारतनगर परिसरातील विद्यार्थी येथे शिक्षण‎ घेतात. पंधरा वर्षांपूर्वी परिसरातील नागरिकांच्या‎ मागणीनुसार शिवाजीवाडीतील मनपाच्या जागेला‎ संरक्षक भिंत बांधून मनपाची शाळा सुरू करण्यात आली. सकाळी‎ मनपाची मराठी शाळा क्रमांक क्रमांक ६७ व दुपार‎ सत्रात उर्दू शाळा क्रमांक ६६ भरते. दोन्ही सत्रांत‎ इयत्ता पहिली ते सातवीचे सात वर्ग आहेत.

शाळा‎ षटकोनात बांधण्यात आली असून, सुमारे दहा बाय‎ दहाच्या खोलीत वर्ग भरतात. प्रत्येक वर्गात ३५ ते‎ ४० विद्यार्थी असून, दाटीवाटीने विद्यार्थी त्या‎ ठिकाणी बसतात. या शाळेला चहूबाजूने‎ अनधिकृत झोपड्यांनी विळखा घातला आहे.‎ त्यामुळे विद्यार्थ्यांना खेळण्यासाठी मैदानच उरलेले‎ नाही. तसेच अनधिकृत झोपड्यांमध्ये राहणाऱ्या‎ नागरिकांच्या आवाजामुळे, वादामुळे येथे चालत‎ असलेल्या कामांमुळे विद्यार्थ्यांना शिक्षण घेताना‎ आणि शिक्षकांना शिक्षण देताना होतो. महापालिकेने‎ सर्वप्रथम येथील अतिक्रमण काढण्यासह शाळेची‎ नूतन इमारत बांधण्याची मागणी करण्यात येत आहे.‎

कारवाई हाेणार‎
शिवाजीवाडीतील‎ पालिकेच्या शाळेच्या‎ आवारात झोपड्या‎ वाढल्या असून‎ अतिक्रमणधारकांना‎ नोटीसही बजावली‎ असून यासंदर्भात‎ शुक्रवारी पाहणी करत‎ कडक कारवाई‎ करणार आहाेत -‎ राज‍ार‍‍ाम ज‍‍ाधव,‎ विभागीय अधिकारी,‎ महापालिका पूर्व‎ विभाग‎