सुदैवाने मुलीच्या पायावर संकट निभावले:बिबट्याच्या हल्ल्यात नऊ वर्षाची बालिका जखमी

सिन्नर तालुक्यातील सोनगिरी येथे ९ वर्षाच्या बालिकेवर बिबट्याने हल्ला केला. बाप-लेकीने आरडाओरड केल्याने सुदैवाने मुलीच्या पायावर संकट निभावले गेले. याबाबत सिन्नर वनपरिक्षेत्र अधिकारी मनिषा जाधव यांनी सांगितले की, सिन्नर तालुक्यातील सोनगिरी येथील गौरी रांजेद्र लहाणे (वय ९) ही तिच्या वडीलांसोबत सांयकाळी सातच्या सुमारास सोनगिरी येथून नायगावला दुचाकीने जात हाेते. यावेळी पाटाजवळ दबा धरून बसलेल्या बिबट्याने अचानक त्यांच्यावर हल्ला केला. यामध्ये गौरीचा उजवा पाय बिबट्याच्या जबड्यात आल्याने ती जखमी झाली आहे. दोघांनी आरडाओरडा केल्याने बिबट्याने धूम ठोकली. सोनगिरी व नायगाव परिसरातील नागरिकांनी या ठिकाणी पिंजरा लावुन बिबट्याला जेरबंद करण्याची मागणी केली आहे.