दिव्य मराठी विशेष:पाटरस्त्याने आडगाव-म्हसरुळ शॉर्टकट प्रवास‎ ; नागरिकांत समाधान‎

आडगाव-म्हसरुळ ते आडगाव‎ आळंदी डावा तट कालवा‎ पाटरस्त्याचे भाग्य उजळले आहे.‎ रस्त्याचे खडीकरण व‎ डांबरीकरणासाठी एक कोटी रुपये‎ आवश्यक हाेते. या कामांचा‎ शुभारंभ नाशिक पूर्वचे आमदार‎ राहुल ढिकले यांच्या हस्ते करण्यात‎ आला.‎ गेल्या १५-२० वर्षांपासून अत्यंत‎ जवळचा व शाॅर्टकट मार्ग‎ असलेल्या या रस्त्याची मोठ्या‎ प्रमाणात दुरवस्था झाल्याने‎ परिसरातील शेतकऱ्यांना याचा‎‎‎‎‎‎‎‎‎‎‎‎‎‎ मोठा त्रास सहन करावा लागत‎ होता. स्थानिक शेतकऱ्यांनी तसेच‎ नगरसेवकांनी आमदार ढिकले‎‎‎‎‎‎‎‎‎‎‎‎‎‎ यांच्याकडे पाठपुरावा केला.‎

संबंधित कामासाठी तरतूद धरून‎ भूमिपूजनाचा नारळ वाढवण्यात‎ आला. काम पूर्णत्वास येऊन या‎ रस्त्याच्या माध्यमातून परिसरातील‎ शेतकऱ्यांची व नागरिकांची दैनंदिन‎ वाहतूक अधिक सुलभ आणि‎ सोपी हाेईल, असा विश्वास‎ आमदार राहुल ढिकले यांनी‎ याप्रसंगी व्यक्त केला. यावेळी‎ माजी सभापती उद्धव निमसे, माजी‎ नगरसेविका शीतल माळोदे, सुरेश‎ खेताडे, पूनम सोनवणे, भाई पुंजा‎ माळोदे, संतोष भोर, बाळासाहेब‎ झोमान, नितीन माळोदे, कैलास‎ शिंदे, गणेश माळोदे यांच्यासह‎ शेतकरी बांधव, नागरिक उपस्थित‎ होते. या कामामुळे परिसरातील‎ नागरिकांनी आनंद व्यक्त केला.‎

विकास हाच ध्यास‎ नाशिक पूर्व ‎विधानसभा‎ मतदार संघातील ‎मागील ‎काळातील ‎विकासाचा‎ अनुशेष भरून काढणे हे माझे आद्य‎ कर्तव्य असून त्यामुळे नागरिकांची‎ प्रत्यक्ष भेटून त्यांना आवश्यक‎ असलेली कामे प्रस्थावित केली‎ जात आहे. मतदार संघाचा‎ सर्वांगीण विकास हाच एकमेव‎ ध्यास आहे.‎ -अॅड. राहुल ढिकले, आमदार‎