घाेळ कायम‎:705 पदांच्या नाेकरभरतीसाठी पुन्हा टीसीएस‎

गेल्या २४ वर्षांत नााशिक महापालिकेत नवीन‎ नाेकरभरती न झाल्यामुळे रिक्त झालेल्या अडीच‎ हजार पदांपैकी अत्यावश्यक सेवेतील ७०६ पद‎ भरतीचा गाेंधळ सुरूच आहे. विधान परिषद पदवीधर‎ निवडणूक आचारसंहितेमुळे आयबीपीएस‎ संस्थेमार्फत भरती प्रक्रियेचा करार रखडला असताना‎ आता या कंपनीने प्रक्रिया करण्यास नकार दिला आहे.‎ त्यामुळे पुन्हा एकदा टाटा कन्सल्टन्सी सर्व्हिसेसकडे‎ प्रस्ताव सादर केला असून त्यांना तत्त्वत: मान्यता‎ दिल्याचे सांगितले जाते.‎ नाशिक महापालिकेत ‘क’ वर्ग आकृतिबंधानुसार‎ ७०८२ इतके पदे मंजूर असताना, जेमतेम ४५००‎ अधिकारी, कर्मचारी कार्यरत आहेत.

जवळपास‎ अडीच हजार अधिकारी व कर्मचाऱ्यांची पदे रिक्त‎ आहेत. अशातच, काेराेना काळात अत्यावश्यक पदे‎ भरतीसाठी प्रक्रिया सुरू झाली मात्र पहिली अडचण,‎ २०१७ पासून महापालिकेची सेवा प्रवेश‎ नियमावलीची फाइल मंत्रालयात मंजुरीअभावी पडून‎ असल्याची समाेर आले. पालिकेने पाठपुरावा‎ केल्यावर, अग्निशमन विभागातील ३४८ पदे आणि‎ आरोग्य व वैद्यकीय विभागातील ३५८ अशा ७०६‎ पदासाठीची सेवा प्रवेश नियमावली मंजूर केली.‎ मात्र, भरतीचे शिवधनुष्य उचलणार काेण हा प्रश्न‎ आहे. यापूर्वी टीसीएसने प्रक्रिया करण्यास नकार‎ दिला हाेता तर आयबीपीपीएस कंपनीने पुढकार‎ घेतला हाेता. मात्र, कराराच्या अटी व शर्तींवर‎ स्वाक्षरी करण्याची वेळ आल्यानंतर त्यांनी नकार‎ दिला. अशातच, सुधारित पदांचा आराखडा तयार‎ करताना प्रशासनाने ११ विभागांच्या सेवा व शर्ती‎ नियमावलीत बदल करीत भविष्यात ज्यांची गरज‎ नाही अशी ५११ पदे रद्द केली. त्यात बिगारी‎ संवर्गातील ३६२ पदे, खत प्रकल्पावरील ८४ पदे‎ तसेच अन्य विभागातील तसेच सुरक्षारक्षकांमध्ये‎ वॉचमन संवर्गातील ११६ तसेच माळी संवर्गातील ६४‎ पदे मंजूर आहेत.‎

भरतीला चालना मिळण्याची शक्यता‎
आयपीबीएस कंपनीने नकार दिल्यानंतर, पुन्हा‎ टीसीएस कंपनीकडे माेर्चा वळवला आहे.‎ सकारात्मक बाब म्हणजे, त्यांनीही प्रतिसाद‎ दिल्याने चालना मिळू शकते, अशी माहिती‎ उपायुक्त मनाेज घाेडे-पाटील यांनी दिली.‎