विधानसभेची मोर्चेबांधणी:भुजबळ काका-पुतण्याला धक्का‎ देण्याची अजित पवार यांची तयारी‎ ‎ ‎ ‎ ‎ ‎ ‎

माजी उपमुख्यमंत्री, राष्ट्रवादी‎ काँग्रेसचे नेते अजित पवार गेल्या ‎ ‎ तीन-चार महिन्यांपासून‎ विधानसभेची मोर्चेबांधणी करत‎ आहेत. आता त्यांनी लोकसभेकडेही‎ नजर वळवली आहे. मात्र, असे‎ करताना ते पक्षातील दिग्गजांना‎ धक्का देण्याच्या मूडमध्ये असल्याचे‎ दिसते. कारण सिन्नर येथील जाहीर‎ ‎ कार्यक्रमात त्यांनी‎ ‎ ‘मी आमदार‎ ‎ कोकाटे यांना‎ ‎ खासदार‎ ‎ करण्याचा विचार‎ ‎ करतोय’ असे‎ स्पष्ट केले. यामुळे गेल्या १०‎ वर्षांपासून नाशिकमधून लढणाऱ्या‎ माजी पालकमंत्री छगन भुजबळ,‎ माजी खासदार समीर या‎ काका-पुतण्याला पर्याय शोधावा‎ लागेल अशी चर्चा राजकीय वर्तुळात‎ सुरू झाली आहे.‎ २०२४ च्या विधानसभा‎ निवडणुकीत राष्ट्रवादी काँग्रेसची‎ सूत्रे काही प्रमाणात विरोधी पक्षनेते‎ अजित पवार यांच्या हातात‎ असतील. त्या दृष्टीने त्यांनी‎ राज्यभरात दौरे सुरू केले आहेत.‎ राष्ट्रवादीचे विद्यमान आमदार‎ असलेल्या आणि जेथे २०१९ मध्ये‎ राष्ट्रवादी काँग्रेसला दुसऱ्या‎ क्रमांकाची मते मिळाली त्या‎ मतदारसंघावर त्यांनी भर दिला आहे.‎