प्रक्रियेला वेग:मनपात 2500 पदांच्या भरतीला मंजुरी‎

‎ महापालिकेने प्रशासकीय सेवा, वैद्यकीय-आरोग्यसह‎ वेगवेगळ्या ११ विभागांच्या सेवा प्रवेश नियमावलींना‎ गुरूवारी (दि. २) झालेल्या महासभेत मंजुरी देण्यात‎ आल्याने प्रस्तावित २५०० पदांच्या नाेकरभरतीच्या‎ प्रक्रियेला वेग येणार आहे. सेवा प्रवेश नियमावलींचे‎ प्रस्ताव आता राज्य शासनाच्या मंजुरीसाठी सादर‎ करण्यात आले असून या प्रक्रियेला प्रत्यक्ष सुरुवात‎ हाेणार आहे.

‎ मनपा आयुक्त तथा प्रशासक डॉ. चंद्रकांत‎ पुलकुंडवार यांच्या अध्यक्षतेखाली गुरुवारी महासभा‎ पार पडली. २८०० रिक्त पदांमुळे अडचणीत‎ आलेल्या महापालिकेला मुख्यमंत्री एकनाथ शिंदे‎ यांनी केलेल्या पदभरतीच्या घोषणेनंतर दिलासा‎ मिळाला आहे.

अग्निशमन विभागाच्या ३४८ तर‎ वैद्यकीय व आरोग्य विभागातील ३५८ अशा एकूण‎ ७०४ पदांच्या भरती प्रक्रियेची तयारी पूर्ण झालेलेली‎ असतानाच आता अडीच हजार पदांच्या भरतीचे‎ वेध लागले आहे.

या भरतीपूर्वी पालिकेतील विविध‎ विभागांच्या संवर्गनिहाय सेवा प्रवेश नियमावलींना‎ शासनाची मंजुरी मिळणे आवश्यक असून त्यासाठी‎ सेवा नियमावलींचे प्रस्तावांना महासभेची मान्यता‎ आवश्यक होती. त्यामुळे महासभेवर प्रशासकीय‎ सेवा, लेखा व लेखापरीक्षण, वैद्यकीय व आरोग्य,‎ अभियांत्रिकी(विद्युत ), स्थापत्य, जलतरण तलाव,‎ उद्यान व वृक्षप्राधिकरण, नाट्यगृह व सभागृह,‎ तारांगण व फाळके स्मारक, सुरक्षा, माहिती तंत्रज्ञान‎ या ११ विभागांच्या सेवा प्रवेश नियमावलीचे प्रस्ताव‎ मंजूर करण्यात आले.‎

अंदाजपत्रक कार्यक्रमालाही मंजुरी‎
महापालिकेचे २०२२-२३ चे सुधारित व‎ २०२३-२४ या आर्थिक वर्षाच्या अर्थसंकल्पीय‎ अंदाजपत्रकाचा महासभेवर संमत करण्यात‎ आला. त्यानुसार आयुक्त डॉ. चंद्रकांत‎ पुलकुंडवार यांच्याकडून प्रारूप अर्थसंकल्पीय‎ अंदाजपत्रक २० फेब्रुवारी अगर तत्पूर्वी स्थायी‎ समितीच्या मान्यतेसाठी सादर केले जाईल.‎ स्थायी समितीने शिफारस केलेल्या‎ अंदाजपत्रकाला ३१ मार्च अगर तत्पूर्वी‎ महासभेची अंतिम मान्यता घेतली जाणार आहे.‎

महासभेत मंजूर झालेले प्रस्ताव‎
मलनिस्सारण योजनेच्या ३२५ कोटींची मजूुरी‎ गंगापूर धरण थेट जलवाहिनीसाठी‎ ‘मजिप्रा’कडून तांत्रिक तपासणी‎ मोकाट कुत्र्यांच्या निर्बिजीकरणासाठी १०‎ कोटींचा ठेका‎ रुग्णालयांमध्ये स्वयंचलित आग प्रतिबंधक‎ यंत्रणा‎ पंचवटीतील जलतरण तलाव दोन वर्षे‎ देखभालीसाठी खासगी ठेकेदाराकडे‎ अतिरिक्त आयुक्तपदी भाग्यश्री बानायत यांना‎ रुजू करण्यास मंजुरी‎ कानेटकर जयंतीनिमित्त मनपा, राष्टीय‎ नाट्यविद्यालयातर्फे ‘रंगमहोत्सव’‎ टाकळी, कपिला संगम सिवेज पंपिंग स्टेशन ३‎ वर्षांकरिता खासगी कंत्राटादाराकडे‎