अपघात:बसचे टायर फुटल्याने दुभाजक ताेडून‎ दुचाकीला धडक; युवक ठार, युवती गंभीर‎

नर्मदा परिक्रमा करण्यासाठी‎ निघालेल्या ट्रॅव्हल्स कंपनीच्या‎ बसचे टायर फुटल्याने बस‎दुभाजक ताेडून‎दुसऱ्या लेनमध्ये‎गेली. यात एका‎ दुचाकीला‎ जाेरदार धडक ‎बसल्याने‎ दुचाकीवरील महाविद्यालयीन‎ युवक जागीच ठार झाला आहे.‎ मागे बसलेली युवती गंभीर जखमी‎ झाली आहे. शनिवारी (दि. ११)‎ सकाळी नाशिक-त्र्यंबकेश्वर‎ रस्त्यावरील बेलगाव ढगा परिसरात‎ हा दुर्देवी अपघात घडला.‎ अपघातानंतर जिल्हा शासकीय‎‎‎‎‎‎‎‎‎‎ रुग्णालयात महाविद्यालयीन‎ युवकांनी गर्दी केली हाेती. पुणे‎ येथून नर्मदा परिक्रमासाठी‎ निघालेली ट्रॅव्हल्स बस (एमएच‎ ४७ एएस ४८४८) शुक्रवारी (दि.‎ १०) रात्री त्र्यंबकेश्वरला पाेहाेचली‎ हाेती.

बसमध्ये चालकासह एकूण‎ ३२ प्रवासी प्रवास करीत हाेते. रात्री‎ त्र्यंबकेश्वर येथे मुक्काम‎ केल्यानंतर शनिवारी (दि. ११)‎ सकाळी बस पुढील‎ मार्गक्रमणासाठी त्र्यंबकेश्वरहून‎ नाशिकच्या दिशेने निघाली हाेती.‎ बेलगाव ढगा फाट्याजवळील‎ एस्पॅलिअर स्कूलजवळ बस आली‎ असता तिचे टायर फुटल्याने‎ बसचालकाचे नियंत्रण सुटले‎ आणि बस थेट डिव्हायडर तोडून‎ दुसऱ्या लेनमध्ये आली. याचवेळी‎ नाशिकहून त्र्यंबककडे जाणाऱ्या‎ दुचाकी क्रमांक एमएच ४१‎ बीजी२३६३ व टीव्हीएस स्पाेर्ट‎ एमएच १५ इजे ५६९५ या दाेन‎ दुचाकींना धडक देत बस झाडावर‎ आदळली. यात एका दुचाकीवरील‎ दाेघांना गंभीर दुखापत झाल्याने त्यांना‎ तातडीने जिल्हा शासकीय‎ रुग्णालयात दाखल करण्यात आले.