नाशिक सक्षम नारी सायक्लोथॉन:270 महिलांकडून सायकलद्वारे‎ आरोग्य व पर्यावरणाचा जागर‎

महिला दिनानिमित्त नाशिक‎ सायकलिस्ट फाउंडेशनच्या वतीने‎ आरोग्य व पर्यावरणाचा जागर‎ करण्याच्या दृष्टीने शनिवारी (दि. ११)‎ "नाशिक सक्षम नारी सायक्लोथॉन’चे‎ आयोजन करण्यात आले. गो ग्रीन‎ थीमवर सायकल रॅलीत २७० महिलांनी‎ सहभाग नोंदवत आराेग्य संवर्धन व‎ पर्यावरणरक्षणाचा जागर केला.‎ सायकल रॅलीनिमित्त उत्कृष्ट संदेश‎ बोर्ड, उत्कृष्ट सायकल सजावट तसेच‎ उत्कृष्ट वेशभूषा या विषयांवर स्पर्धा‎ देखील घेण्यात आली. गो ग्रीन थीमवर‎ महिलांचा सहभाग उत्स्फूर्त हाेता .‎ विशेष म्हणजे अनेक महिलांनी‎ सायकल बरोबर हेल्मेटची देखील‎ सजावट केली होती व पर्यावरणाशी‎ निगडित संदेश दिले. झीन झुंबा‎ फिटनेसच्या रिद्धी साहू यांनी उपस्थित‎ महिलांचे वॉर्मअप घेतले.

पाेलिस‎‎‎‎‎‎‎‎‎‎‎‎ निरीक्षक सारिका अहिरराव,‎ प्लॅस्टिक सर्जन डॉ. मनोज बच्छाव‎ यांच्या हस्ते हिरवा झेंडा दाखवून‎ सायकल राइडला सुरुवात झाली.‎ अनंत कान्हेरे मैदान - मायको सर्कल -‎ एबीपी सर्कल - जेहान सर्कल - जुना‎ गंगापूरनाका - अशोकस्तंभ -‎ सीबीएस - त्र्यंबकनाका - अनंत‎ कान्हेरे मैदान असा मार्ग होता. यानंतर‎ डॉ. मनीषा रौंदळ, साधना दुसाने,‎ माधुरी गडाख, निशा निराली, संगीता‎‎‎‎‎‎‎‎‎‎‎‎ बडगे, सीमा घुगे, किरण डोंगरे, सुवर्णा‎ देशमुख यांनी "सायकल सखी’ या‎ विषयावर पथनाट्य सादर केले. व या‎ नाटिकेतून पर्यावरणाचा समतोल‎ राखण्यासाठी सायकललाच सखी‎ माना व सायकलशी नातं जोडा‎ याबद्दल प्रबोधन केले.‎ कार्यक्रमास प्रमुख पाहुणे म्हणून‎ नाशिक सायकलिस्ट फाउंडेशनचे‎ हरीश बैजल, आमदार सत्यजित तांबे,‎ माजी अध्यक्ष राजेंद्र वानखेडे, डॉ.‎‎‎‎‎‎‎‎‎‎‎‎ श्वेता बच्छाव, रोहिणी नायडू,‎ अनुराधा नडे, शिल्पा पारनेरकर, राजेंद्र‎ भावसार, डॉ. मंजू अटल आदी‎ उपस्थित होते. अध्यक्ष किशोर माने‎ यांनी कार्यक्रमाचे प्रास्ताविक केले.‎ आजची नारी ही स्वतःच्या‎ आरोग्यासाठी जागृत झाली, याबद्दल‎ विशेष कौतुक केले. अध्यक्ष किशोर‎ माने यांच्याकडून आलेल्या सर्व‎ महिलांना एक भारतीय परंपरेचे वृक्ष‎ देण्यात आले.‎

सहा विद्यार्थिनींना‎ सायकल वाटप‎
महिला दिनाचे आैचित्य साधत‎ त्र्यंबक तालुक्यातील माळेगाव‎ शाळेच्या सहा गरजू‎ विद्यार्थिनींना यावेळी सायकल‎ वाटप करण्यात आले. त्यांची‎ शाळेत जाण्याची गैरसाेय दूर‎ हाेणार आहे.‎