12 दिवस उरुस:भद्रकाली पाेलिसांनी जपली 50 वर्षांची परंपरा‎, जातीय सलोखा व एकात्मतेसाठी‎ पोलिसांनी चढवली मानाची चादर

जुने नाशिकमधील सर्वधर्मीयांचे श्रद्धास्थान ‎ ‎ असलेले हजरत पीर सय्यद सादिकशाह‎ हुसेनी बाबा यांचा बडी दर्गाह गुरुवारपासून ‎ ‎ गजबजले आहे. पुढील १२ दिवसांच्या ‎ ‎ उरुसामुळे येथे माेठी गर्दी येथे हाेणार‎ असल्याने तसे नियाेजन करण्यात आले‎ आहे.

यानिमित्ताने गेल्या ५० वर्षांची परंपरा ‎ ‎ असलेली जातीय सलोखा व राष्ट्रीय ‎ ‎ एकात्मतेसाठी निघणारी पोलिसांची मानाची ‎ ‎ चादर ही गुरुवारी दर्गाहवर अर्पण करण्यात ‎ ‎ आली.‎ जुने नाशिक परिसरातील पिंजारघाट‎ रस्त्यावर असलेला बडी दर्गा जातीय‎ सलोखा व राष्ट्रीय एकात्मतेचे प्रतीक आहे. ‎ ‎

सर्वधर्मीय भाविक मनोभावे यात्रेत सहभागी‎ होऊन वार्षिक यात्रोत्सवात सहभागी होतात.‎ दरवर्षी यात्रोत्सव मे महिन्यात साजरा होत‎ असते. साधारणतः ५० वर्षांपासूनच्या‎ पारंपरिक प्रथेनुसार पोलिस आयुक्तालय व‎ भद्रकाली पोलिस ठाण्याच्या वतीने चादरची‎ मिरवणूक काढण्यात येते. गुरुवारी (दि. ४)‎ संध्याकाळी साडेसात वाजता भद्रकाली‎ पोलिस ठाण्याच्या आवारातून पारंपरिक‎ प्रथेनुसार मिलादने हुसेनी बाबा यांच्या‎ यात्रोत्सवानिमित्त चादरची मिरवणूक‎ ‎ ‎ काढण्यात आली.

या मिरवणुकीत पोलिस‎ आयुक्त, उपआयुक्त, सहायक आयुक्त,‎ पोलिस निरीक्षकांसह शांतता समितीचे‎ सदस्य सहभागी झाले. दरवर्षी यात्रेच्या‎ पहिल्या दिवशी पोलिसांना प्रथम चादर‎ अर्पण करण्याचा मान दिला जातो. मागील‎ ५० वर्षांपासून ही प्रथा पाळली जाते. जुने‎ नाशिकमधील पिंजारघाट परिसरात बडी दर्गा‎ असून दरवर्षी दर्ग्याच्या आवारात यात्रोत्सव‎ भरविण्याची पारंपरिक प्रथा आहे. यंदाचा‎ उरूस ३९५वा असल्याची माहिती पीरजादा‎ कुटुंबियांकडून देण्यात आली आहे.

या ‎ ‎उरूसमधील ‘फालुदा’ या शीतपेयाचे विशेष ‎ ‎ आकर्षण असते. जुने नाशिक गावठाण‎ भागातील ही एकमेव पारंपरिक मोठी यात्रा ‎ ‎ मानली जाते. या यात्रेचा सर्वधर्मीय नागरिक ‎ ‎ मोठ्या संख्येने आनंद लुटतात. जुने नाशिक ‎ ‎ परिसर हिंदू-मुस्लिमबुहल परिसर म्हणून ‎ ‎ ओळखला जातो. जातीय सलोख्याचे प्रतीक ‎ ‎ म्हणून बडी दर्ग्याचा नावलौकिक आहे. ‎ ‎ यात्रोत्सवानिमित्त बडी दर्ग्यावर आकर्षक‎ रोषणाई करण्यात आली आहे.‎

चोख बंदोबस्त‎

यात्रेसाठी विशेष पोलिस‎ बंदोबस्त तैनात करण्यात‎ आला आहे. साध्या‎ वेशातील पोलिसांसह महिला‎ पोलिसांची नियुक्ती करण्यात‎ आली आहे. हा यात्रोत्सव‎ पुढील बारा दिवस सुरू‎ राहणार असल्याची माहिती‎ पोलिसांनी दिली आहे.‎

दरम्यान, संध्याकाळी सहा ते‎ रात्री दहा वाजेपर्यंत शहीद‎ अब्दुल हमीद चौकातून पुढे‎ पिंजारघाट मार्गावर‎ चारचाकी वाहनांसह रिक्षांना‎ प्रवेश बंद करण्यात यावा,‎ अशी मागणी करण्यात‎ आली आहे. कुठल्याही‎ प्रकारची संशयित व्यक्ती‎ अथवा बेवारस वस्तू‎ दर्ग्याच्या परिसरात यात्रेत‎ आढळून आल्यास‎ भाविकांनी शहर पोलिस‎ नियंत्रण कक्षाशी संपर्क‎ साधावा, असे आवाहन‎ पोलिसांनी केले आहे.