दिव्य मराठी विशेष:1000 विद्यार्थ्यांसाठी नाशिक रनने बांधल्या इमारती‎

नाशिक रन चॅरिटेबल ट्रस्टने नाशिक‎ जिल्ह्यातील आदिवासी भागातील शाळा व ‎वसतिगृहासाठी आर्थिक मदतीचा हात देत ‎सामाजिक बांधिलकी जोपासली आली आहे.‎ या शाळांचा शैक्षणिक दर्जा सुधारावा, यासाठी ‎शाळांमध्ये विविध उपक्रम राबविले जात आहे. ‎वसतिगृहांतील सुविधांचा फायदा एक‎ हजारांहून अधिक विद्यार्थ्यांना होत आहे.‎ शैक्षणिक विकासासाठी पोषक वातावरण तयार ‎होत असल्याने संत ज्ञानेश्वर विद्यालयाचा‎ गुणवत्तेचा आलेख सुधारत आहे.‎ डांग सेवा मंडळाच्या कळवण येथील‎ आश्रमशाळेत आदिवासी विद्यार्थ्यांना शिक्षण‎ दिले जाते.

आदिवासी मुले व मुलींकरता‎ सुविधा पुरविण्यात जात असून मुलींच्या‎ वसतिगृहाची प्रचंड दुर्दशा झाली होती.‎ विद्यार्थिनींची होणारी कुचंबना लक्षात घेऊन‎ नाशिक रनतर्फे मुले व मुलींच्या वसतिगृहाचे‎ नवीन बांधकाम करून देण्यात आले. त्याचा‎ फायदा ४०० विद्यार्थ्यांना झाला. दुसऱ्या‎ प्रकल्पात डांग सेवा मंडळाच्या पेठ येथील‎ आश्रमशाळेत नाशिक रनद्वारे नवीन बांधकाम ‎करण्यात आले त्याचा ५० विद्यार्थ्यांना लाभ‎ झाला. तिसऱ्या प्रकल्पात श्री गाडगे महाराज ‎ ‎ आश्रमशाळा , बेरवळ येथे आश्रम शाळेद्वारे ‎आदिवासी विद्यार्थ्यांकरता निवासी शिक्षण पुरविण्यात येते.

अन् विद्यार्थ्यांच्या गुणवत्तेचा‎ आलेख सुधारला‎
संत ज्ञानेश्वर विद्यालयात वर्ग खोल्या‎ बांधण्यास मदत करण्यात आली आहे. या‎ शाळेत ७५० पेक्षा अधिक विद्यार्थी शिक्षण‎ घेत आहेत. विद्यार्थ्यांना शिक्षण घेत‎ असताना मोठ्या अडचणींना सामोरे जावे‎ लागत होते. नाशिक रनद्वारे या शाळेत‎ स्वच्छतागृह, संरक्षित भिंत तसेच विविध‎ पायाभूत सुविधा उपलब्ध करून देण्यात‎ आल्या. शिक्षकांनीही गुणवत्तापूर्ण‎ शिक्षणावर भर देत विद्यार्थ्यांना प्रेरणा दिली.‎ या शाळेतील अनेक विद्यार्थी वेगवेगळ्या‎ क्षेत्रात यशाचे शिखर गाठत आहे. शाळेतील‎ गुणवत्तेचा आलेखही वाढला आहे.‎