दिव्य मराठी विशेष:स्थानिक उद्याेगांतील 100 टन ‘ई-वेस्ट’ संकलनासाठी केंद्र‎

नाशिक इंडस्ट्रीज अँड‎ मॅन्युफॅक्चरर्स असोसिएशन(निमा) ‎आणि लायन्स क्लब यांच्या संयुक्त ‎विद्यमाने निमा हाऊस(सातपूर)‎ येथे ई-वेस्ट संकलन केंद्र सुरू‎ करण्यात आले आहे. या केंद्राचा ‎शुभारंभ महापालिका आयुक्त डॉ. ‎चंद्रकांत पुलकुंडवार, पोलिस‎ आयुक्त अंकुश शिंदे, निमाचे‎ अध्यक्ष बेळे, ई वेस्ट संकलन‎ केंद्राचे समनव्ययक सचिन शाह,‎ विभागीय अध्यक्ष प्रवीण‎ ‎जयकृष्णन, डिस्ट्रक्ट गव्हर्नर राजेश‎ काेठावदे आदी मान्यवरांच्या हस्ते‎ झाले.‎ पर्यावरणाचा समतोल राखण्यासाठी‎ निमा व लायन्स क्लब यांनी हा‎ निर्णय घेतला आहे, असे निमाचे‎ अध्यक्ष धनंजय बेळे यांनी‎ सांगितले.‎

यामुळे संकलन‎ महत्त्वाचे‎
भंगार, लाेखंड, तांबे हे खरेदी‎ करणारे असल्याने त्याचे‎ संकलन हाेते. ई वेस्ट मात्र‎ वर्षानुवर्षे कंपन्यांत पडून असते.‎ त्यातील बऱ्याच पार्टस‌्चे‎ विघटन करता येत नाही, त्यामुळे‎ ताे कचऱ्याच्या स्वरूपात कायम‎ राहाताे. त्यातून तांबे,‎ अॅल्युमिनियम काढता येते इतर‎ काढता येत नाही. याचमुळे या‎ कचऱ्याची सुरक्षित विल्हेवाट‎ लावणे अत्यंत गरजेचे आहे.‎