आवाहन:मुक्त च्या नाशिक विभागीय केंद्रावर आज केंद्रीय क्रीडा महाेत्सव

यशवंतराव चव्हाण महाराष्ट्र मुक्त विद्यापीठातर्फे केंद्रीय क्रीडा महोत्सवाला सुरुवात झाली आहे. रविवारी (दि. १३) नाशिकसह मुंबई आणि कोल्हापूर केंद्रावर महोत्सव पार पडेल. विद्यार्थी आणि खेळाडूंनी संबंधित विभागीय केंद्रांशी संपर्क करण्याचे आवाहन विद्यापीठाचे कुलसचिव डॉ. प्रकाश देशमुख यांनी केले आहे.विद्यापीठाच्या मुंबई, नाशिक औरंगाबाद अमरावती नागपूर नांदेड कोल्हापूर व पुणे या आठ विभागीय केंद्रांवर १५ नोव्हेंबरपर्यंत महोत्सव सुरू राहणार आहे.

दरम्यान, आंतरविद्यापीठ स्तरावरचा क्रीडा महोत्सव डिसेंबरमध्ये औरंगाबादमधील डॉ. बाबासाहेब आंबेडकर मराठवाडा विद्यापीठात होत आहे. तर मुक्त विद्यापीठाच्या अमरावती व औरंगाबाद विभागीय केंद्रावर शनिवारी, नागपूर व नांदेड येथे सोमवारी विभागीय क्रीडा महोत्सव होईल. मुक्त विद्यापीठाच्या विभागीय केंद्रावरील स्पर्धेतून केंद्रीय क्रीडा स्पर्धेसाठी विद्यार्थ्यांची निवड केली जाणार आहे. या केंद्रीय क्रीडा स्पर्धेतून निवडलेला संघ राज्यस्तरीय आंतरविद्यापीठ क्रीडा महोत्सव सहभागी होईल, असे देशमुख यांनी सांगितले.