प्रकाश‎:बालनाट्य स्पर्धेत सामाजिक विषयांवर प्रकाश‎

महाराष्ट्र राज्य सांस्कृतिक कार्य‎ संचलनालयातर्फे परशुराम‎ सायखेडकर नाट्यगृहात महाराष्ट्र‎ राज्य बालनाट्य स्पर्धेच्या प्राथमिक‎ फेरीचे उद्घाटन शुक्रवारी (दि. ७)‎ झाले. पहिल्या दिवसाच्या चारही‎ नाटकांत बाल कलाकारांनी सामाजिक‎ व पर्यावरण विषयांवर आधारित‎ संहितेला न्याय देण्याचा प्रयत्न केला.‎ शालेय विद्यार्थ्यांच्या सुप्त कलागुणांना‎ वाव देण्यासाठी संधी शासनाने या‎ स्पर्धेतून दिली आहे.

त्यांच्या या कला‎ व अभिनय पाहण्यासाठी शहरातील‎ शाळांनी आपल्या विद्यार्थ्यांना‎ बालनाट्य स्पर्धेत पाठवावे, असे‎ आवाहन मनपा शिक्षणाधिकारी‎ सुनीता धनगर यांनी केले. यावेळी‎ नाट्य परिषद, नाशिक शाखेचे अध्यक्ष‎‎‎‎‎‎‎‎‎‎‎‎ प्रा. रवींद्र कदम, मनपा शिक्षणाधिकारी‎ सुनीता धनगर, नाशिक केंद्राचे‎ समन्वयक राजेश जाधव,‎ सहसमन्वयक मीना वाघ उपस्थित‎ होते. एक नाटक रद्द झाल्यामुळे‎ पाचपैकी एकूण चार नाटके सादर‎ झाली. रंगकर्मी थिएटर्स, नाशिकच्या‎ वतीने ‘जीर्णाेद्धार’ हेे संध्या कुलकर्णी‎ लिखित व सिद्धी बोरसे दिग्दर्शित‎‎‎‎‎‎‎‎‎‎‎‎ नाटक सादर झाले.‎ श्री स्वामीनारायण इंग्लिश मीडियम‎ स्कुल पंचवटी यांनी ''पुन्हा नको रे‎ बाबा'' नाटक सादर केले. जंगल‎ वाचवा, प्राणी वाचवा असा संदेश या‎ नाटकातून देण्यात आला. श्री‎ सप्तशंृगी शिक्षण संस्था पंचवटीचे‎ ''वारी'' हे नाटक सादर करण्यात‎ आले.‎