फसवणूक:मनपाला परस्पर जागा विक्री करणाऱ्यांच्या विरोधात गुन्हा

मनपास अटी शर्तीनुसार डीपीरोड व काॅलनी रोडसाठी जागा विनामूल्य देत असल्याचे भासवत जागा परस्पर मनपाला विक्री करत फसवणूक केली. सात संशयितांच्या विरोधात गुन्हा दाखल करण्यात आला.

दौलत कळस्कर रा. हिरावाडी यांनी पाेलिसात तक्रार दिली. १९९६ पासून नगररचना विभागाचे सहायक संचालकांना ८२ आर क्षेत्राचे अंतिम लेआऊट मंजुरीकरीता दिले होते. मनपाच्या अटीशर्तीनुसार डीपी रोड व काॅलनीरोडसाठी मनपाला ११२८ चौ.मि क्षेत्र विनामुल्य देत असल्याचे भासवून करारनामा केला. कळस्कर आणि त्यांचे दोन भावांच्या कब्जात असलेले क्षेत्र संशयित सुभाष बिरारी, संजय बिरारी, विजय बिरारी, कैलास बिरारी, मोहन मेटकर, गोरख कटाळे, संतोष विसपुते यांनी बेकायदेशीर बळकावले.