अवकाळी पाऊस:पावसाने दैना; सिडकाे, अंबड 12 तास‎ अंधारात, विद्यार्थ्यांचे हाल, बस रुतली‎

दिवसभर उकाड्याने हैराण झालेल्या‎ नाशिककरांना संध्याकाळनंतर गारवा‎ मिळाला असला तरी रविवारी (दि. ५)‎ मध्यरात्री झालेल्या पावसाने साेमवारी‎ (दि. ६) दिवसभर शहरातील‎ जनजीवन काही अंशी विस्कळीत‎ झाले हाेते. सिडकाे, अंबडसह‎ शहरातील मुख्य परिसरांमध्येच वीज‎ गायब झाल्याने नागरिक त्रस्त झाले‎ हाेते. तर पंचवटीत खड्ड्यातील‎ चिखलात बसचे चाक रुतल्याने‎ वाहतुकीला खाेळंबा झाला. वीज नाही,‎ पावसाची भुरभुर सुरू, खड्डे,‎ पावसाच्या पाण्यामुळे वाहतूक काेंडी‎ यामुळे मात्र दहावी, बारावीच्या परीक्षा‎ सुरू असल्याने विद्यार्थ्यांचे हाल झाले.‎ दुपारनंतर मात्र जनजीवन सुरळीत‎ झाले.‎

शहरात १२ मि.मी. पाऊस‎
शहरात रविवारी (दि. ५) मध्यरात्री‎ विजेच्या कडकडाट ढगांच्या‎ गडगडाटासह पावसाला सुरुवात झाली.‎ तर सोमवारी (दि. ६) सकाळपासून‎ हलक्या स्वरूपाचा पाऊस कोसळत‎ होता. नाशिक हवामान केंद्रात १२‎ मिलिमीटर पावसाची नोंद करण्यात‎ आली आहे. गेल्या आठवड्यात उन्हाच्या‎ तीव्रतेने नागरिक हैराण झाले हाेते. मात्र‎ रविवारी झालेल्या जोरदार पावसामुळे‎ उकाड्यापासून दिलासा मिळाला. तसेच‎ कमाल तापमानात देखील घसरण झाली‎ आहे. तर रात्री वातावरणात गारवा निर्माण‎ झाला होता. तसेच हवामान तज्ज्ञ‎ माणिकराव खुळे यांच्या अंदाजानुसार‎ नाशिक शहरासह जिल्ह्यात चार दिवस‎ बेमोसमी पाऊस असेल.‎

या भागात वीज खंडीत‎
आयटीआय सिग्नल, सातपूर‎ आयटीआयच्या मागील बाजूस‎ असलेली आैद्याेगिक वसाहतीतील‎ काही भाग, सिटू भवन, माहेरघर‎ परिसर, खुटवडनगर, अंबड लिंकराेड,‎ माेगलनगर, शिवशक्तीनगर ,‎ कामटवाडे , दुर्गानगर, त्रिमूर्ती चाैक,‎ ज्ञानेश्वर नगर, गंगापूरराेड , पाइपलाइन‎ राेड परिसरात विजेचा लपंडाव सुरूच‎ हाेता. नाशिकराेडच्याही अनेक‎ भागांमध्ये विजेचा खेळ सुरू हाेता.‎

वीज गायब; नागरिक त्रस्त‎
सिटू भवनसमाेरील सातपूर हद्दीतील‎ फीडरमध्ये मध्यरात्री विजांचा‎ कडकडाट हाेताच वीज पुरवठा खंडित‎ झाला. फीडरवरील लाइन कट दिसून‎ आल्यानंतर दुपारी २ वाजेच्या सुमारास‎ वीज पुरवठा सुरळीत करण्यात आला.‎ यावरून रविवारी मध्यरात्री २ वाजेपासून‎ खंडित झालेला वीजपुरवठा १२ तास‎ उलटल्यांनतर साेमवारी दुपारी पूर्ववत‎ झाला. यामुळे मात्र नागरिक चांगलेच‎ त्रस्त झाले हाेते.‎

रामवाडीत‎ खड्ड्यात‎ फसली बस‎
रामवाडी परिसरात स्मार्ट सिटीने खाेदलेल्या खड्ड्यामध्ये प्रवाशी असलेच्या सिटीलिंकच्या बसचे चाक फसले.‎ बसला धक्का देत खड्डयातून बस काढण्याचा प्रयत्न फसल्यानंतर क्रेनच्या मदतीने बस बाहेर काढण्यात आली. मात्र‎ वर्दळीच्या मार्गावर बस अडकल्याने वाहतूक काेंडी निर्माण झाल्याने वाहनधारकांसह पादचाऱ्यांना माेठा त्रास सहन‎ करावा लागला. या प्रकारामुळे स्मार्ट सिटीचा भाेंगळ कारभार पुन्हा एकदा चव्ह्याट्यावर आला आला आहे.‎