दिव्य मराठी विशेष:आर्मीच्या शस्त्रशक्तीचे प्रदर्शन‎

तोफा, रणगाडे, रायफल्स, रॉकेट लाऊंचर्स,‎ इंडियन फील्ड गन, बोफोर्स, धनुष यासह‎ सैन्यदलाच्या विविध शस्त्रांसह सिम्फनी बॅण्ड,‎ आर्मी बॅण्ड, घोडदौड, टेन्ट पॅकिंग,‎ डेअरडेव्हिल्स, जिमनॅस्टिक यांचे लाईव्ह शाे‎ देखील हाेणार आहे. हुतात्मा अनंत कान्हेरे‎ मैदाने येथे १८ आणि १९ मार्चला हे प्रदर्शन‎ हाेणार असून प्रदर्शनाचे उद‌्घाटन केंद्रीयमंत्री‎ नितीन गडकरी यांच्या हस्ते हाेणार आहे.‎ युनायटेड व्ही स्टॅण्ड फाउंडेशन यांच्यातर्फे‎ आणि खासदार हेमंत गाेडसे यांच्या पुढाकाराने‎ हाेत असलेल्या या प्रदर्शनात केवळ‎ आर्टिलरीच नव्हे तर इतर शस्त्रास्त्रे आणि‎ सेवादेखील प्रदर्शित करणार आहोत.

तोफखाना‎‎‎‎‎‎‎‎‎‎‎‎ (विविध तोफा), शस्त्रागार, अभियंता‎ उपकरणे, हवाई दल, आर्मी एव्हिएशन,‎ वैद्यकीय उपकरणे प्रदर्शन, पायदळ, आर्मी‎ रेकॉर्ड स्टॉल (निवृत्त सैनिकांच्या सेवेसाठी),‎ प्रादेशिक सैन्य शस्त्रे, सिम्फनी बँड, आर्मी बैंड,‎ लाइव्ह शो (उदा. घोडदौड, टेन्ट पॅकिंग,‎ डेअरडेव्हिल्स, जिम्नॅस्टिक) हे प्रदर्शनाचे‎ आकर्षण असणार आहे. या प्रदर्शनाचे‎ नागिरकांना सशस्त्र दलांच्या जीवनाशी परिचित‎ होता येईल आणि तरुणांना सैनिकांशी संवाद‎ साधण्यासाठी व्यासपीठ उपलब्ध होणार आहे.‎ अग्निवीर भरतीसंदर्भात देखील मार्गदर्शन केंद्र‎ असणार आहे. कार्यक्रमास रस्ते वाहतूक आणि‎ महामार्गमंत्री नितीन गडकरी, संरक्षण राज्यमंत्री‎ अजय भट, सेनाप्रमुख जनरल मनोज पांडे,‎ मुख्यमंत्री एकनाथ शिंदे, उपमुख्यमंत्री देवेंद्र‎ फडणवीस, युनायटेड व्ही स्टॅण्डचे अध्यक्ष‎ सागर मटाले आदी उपस्थित राहणार आहेत.‎ प्रदर्शन माेफत असून नाशिककरांनी या‎ अनाेख्या प्रदर्शनाला भेट देण्याचे आवाहन‎ आयाेजकांच्या वतीने देण्यात आले आहे.‎