आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

नाशिक:काहीतरी करून दाखवायचे म्हणून कार्यालय हलवू नका, छगन भुजबळ यांचा केंद्रीय अर्थ राज्यमंत्री कराडांना टाेला

नाशिक6 दिवसांपूर्वी
  • कॉपी लिंक

मंत्री झालाे म्हणून ताबडताेब काहीतरी करून दाखवताेय हे भासवण्यासाठी नदीजाेड प्रकल्पासह मराठवाड्याला पाणीपुरवठा करण्याचे नियाेजन करणारे नाशिकमधील कार्यालय हलवू नका. तसेच केद्रांकडून निधी वगैरे आणून देताे अशा अटी-शर्तीही खपवून घेणार नाही, असा प्रतिटाेला राज्याचे अन्न व नागरी पुरवठा मंत्री तथा जिल्ह्याचे पालकमंत्री छगन भुजबळ यांनी केंद्रीय अर्थ राज्यमंत्री भागवत कराड यांना लगावला. नाशिक व मराठवाड्याला महाराष्ट्र जलसंपत्ती प्राधिकरणाच्या नियमानुसार पाणी दिले जात आहे. जितके पाणी असेल ते व्यवस्थितपणे व गरजेनुसार दिले जाईल, असेही भुजबळ म्हणाले.

भुजबळ म्हणाले की, नाशिक विरुद्ध मराठवाडा असे राजकारण करणे याेग्य नाही. प्रत्येकाला नियमानुसार ठरवून दिलेले पाणी मिळणारच आहे. अर्थात जितका पाऊस पडेल व जितके पाणी असेल ते सर्वांना समन्यायी तत्त्वानुसार दिले जाईल. दुसरी बाब म्हणजे, केंद्रांकडून निधी आणून देताे अशा अटीही टाकून चालणार नाही. जे काही द्यायचे ते विना अटी-शर्ती द्या, असे सांगत पाणीवाटपात काेणावरही अन्याय हाेणार नाही व त्यातून काेणाला कार्यालय काेठे नेण्याची गरज नाही, असेही त्यांनी स्पष्ट केले.

बातम्या आणखी आहेत...