प्रति किलोस 150 ते 200 रुपये भाव‎:सुरगाणा तालुक्यात ड्रॅगन‎ फ्रूटचा प्रयोग यशस्वी‎

वातावरणात होणाऱ्या बदलामुळे‎ पारंपरिक शेती परवडत नसल्याने‎ सुरगाणा तालुक्यातील शेतकऱ्यांनी‎ ड्रॅगन फ्रुटचे उत्पादन घेण्यास‎ सुरुवात केली आहे. आता सुरगाणा‎ तालुक्यातील घोडांबे येथील‎ शेतकऱ्याने ड्रॅगन फ्रूट शेतीचा प्रयोग‎ यशस्वी केला आहे.‎ तालुक्यातील घोडांबे‎ परिसरातील गावांमध्ये भात, वरई,‎ नागली, खुरसणी, टोमॅटो, स्ट्रॉबेरीचे‎ उत्पादन घेतले जाते. या पिकांवर‎ शेतकऱ्यांचा आर्थिक गाडा‎ अवलंबून आहे. मात्र, या पिकांवर‎ सातत्याने येणारी नैसर्गिक संकटे,‎ अपेक्षित दर न मिळणे यामुळे‎ शेतकऱ्यांच्या अडचणी वाढल्या‎ आहेत. त्यामुळे शेतकऱ्यांनी शेतात‎ नवनवीन प्रयोग राबवणे सुरू केले‎ आहे.‎ आता घोडांबे येथील श्रीराम‎ गायकवाड यांनी ड्रॅगन फ्रूटची‎ लागवड करून पारंपरिक शेतीला‎ फाटा दिला आहे.‎ ड्रॅगन फ्रुट अनेक आजारांवर व‎ त्वचेसाठी गुणकारी आहे.

मागील‎ सहा वर्षांपासून ड्रॅगन फ्रूटची शेती‎ करीत आहेत. गायकवाड‎ यांच्याकडे ३ एकर शेती असून‎ त्यांनी अर्ध्या एकरात स्टॉबेरी तर‎ एक एकरात ड्रॅगन फ्रुटचा यशस्वी‎ प्रयोग केला आहे.‎ ड्रॅगन फ्रुटच्या एका रोपाची किंमत‎ ४० ते ४५ रुपये आहे. एक एकर‎ लागवडीसाठी तीन ते साडेतीन‎ लाख रुपये खर्च होतो. फळ हे जून‎ ते सप्टेंबर या चार महिन्यापर्यंत येत‎ असतात. एकरी उत्पन्न पाच ते सहा‎ लाख रुपये मिळत आहे.‎ मुंबई, सुरत, बडोदा, अहमदाबाद‎ येथील बाजारपेठेत एका किलोस‎ १५० ते २०० रुपये भाव मिळत आहे .‎ सध्या त्यांच्या बागेला सहा वर्ष झाले‎ असून योग्य प्रकारे उत्पादन मिळत‎ आहे.‎