दिव्य मराठी विशेष:गायदरपाड्यात शिक्षण, आरोग्य व पाण्याची व्यवस्था‎ ; महिलांना जलचक्री वितरित‎

मूलभूत सुविधांपासून दूर असलेले‎ कळवण तालुक्यातील गायदरपाडा‎ गाव सुधारावे, यासाठी वेल्स ऑन‎ व्हील्स संस्था, सामाजिक‎ कार्यकर्ते आणि प्रशासनाने‎ पुढाकार घेतल्याने गावाचे रुपडे‎ बदलत आहे. गावात शिक्षण,‎ आरोग्य, मुख्यतः महिलांना‎ पिण्याच्या पाण्यासाठी व्यवस्था‎ करण्यात आल्याने गावातील‎ समस्या सुटण्यास मदत होत आहे.‎ गायदरपाडा डोंगराच्या कुशीत‎ वसलेले खेडे. बहुतांश मोलमजुरी‎ करणारे ग्रामस्थ या गावात आहेत.‎ गायदरपाड्यातील ग्रामस्थांनी‎ दैनंदिन जीवनात येणाऱ्या‎ अडचणींविषयी कोणापुढे कधीच‎ अडचण मांडली नाही. २०२२ मध्ये‎‎‎‎‎‎‎‎‎‎‎‎‎‎‎ दिवाळीनिमित्त गावात सुकदेव‎ बागुल आणि त्यांचे युवा मित्र‎ इलेक्ट्रिक खांबावर दिवे‎ लावण्यासाठी पायी प्रवास करून‎ या पाड्यात आले असता त्यांना‎ खेड्यातील समस्यांची जाणीव‎‎‎‎‎‎‎‎‎‎‎‎‎‎‎ झाली. या खेड्यात जाण्यासाठी‎ पायी जावे लागते. समस्या प्रकल्प‎ अधिकारी तथा प्रांत विशाल‎ नरवाडे यांच्यापर्यंत पोहाेचली.‎

त्यांनी पाठपुरावा करून येथे सर्व‎ शासकीय विभागाची बैठक घेत‎‎‎‎‎‎‎‎‎‎‎‎‎‎‎ समस्या जाणून घेतल्या.‎ प्रशासकीय सर्व विभाग एकत्र‎ आल्याने समस्यांचा निपटारा‎ होण्यास मदत झाली. आदिवासी‎ विभागाकडून पत्र्याचे शेड‎ उभारून एकशिक्षकी शाळा सुरू‎‎‎‎‎‎‎‎‎‎‎‎‎ करण्यात आली. मुलांना शालेय‎ गणवेश देत प्रजासत्ताक दिन‎ साजरा करण्यात आला. ५०‎ कुटुंबातील महिलांना पाणी वाहून‎ नेण्यासाठी जलचक्री वितरीत‎ करण्यात आल्या. यामुळे‎ डोक्यावरील हंडा हातात आला‎ आहे.‎ सिमेंट बंधाऱ्यासाठी‎ २५ लाख रुपये मंजूर‎ शाळेतील मुलांसाठी बससेवा सुरू‎ करण्याचे आश्वासन राज्य‎ परिवहन महामंडळाकडून देण्यात‎ आले. दवाखान्याची सोय तात्पुरती‎ मोकभणगी गावात होणार आहे.‎ गायदरपाड्यात सिमेंट‎ बंधाऱ्यासाठी २५ लाख रुपये मंजूर‎ करण्यात आले.‎

वेल्स ऑन व्हील्स संस्थेमार्फत गायदरपाड्यात पाण्याची चक्री वाटप करताना संस्थेचे सदस्य. ‎ सिमेंट बंधाऱ्यासाठी‎ २५ लाख रुपये मंजूर‎ शाळेतील मुलांसाठी बससेवा सुरू‎ करण्याचे आश्वासन राज्य‎ परिवहन महामंडळाकडून देण्यात‎ आले. दवाखान्याची सोय तात्पुरती‎ मोकभणगी गावात होणार आहे.‎ गायदरपाड्यात सिमेंट‎ बंधाऱ्यासाठी २५ लाख रुपये मंजूर‎ करण्यात आले.‎