आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कारवाईची मागणी‎:सिटी सेंटर मॉलच्या मागील परिसरात‎ खाद्यपदार्थविक्रेत्यांची अतिक्रमणे‎

सिडकाे‎एका महिन्यापूर्वी
  • कॉपी लिंक

उंटवाडी येथील सिटी सेंटर मॉलच्या‎ पाठीमागील परिसरात‎ खाद्यपदार्थविक्रेत्यांनी अतिक्रमण‎ केले आहे. यामुळे या ठिकाणी‎ कचरा पसरला असून येथे येणाऱ्या‎ टवाळखाेरांच्या उपद्रवाने‎ परिसरातील नागरिक त्रस्त झाले‎ आहेत. या प्रकाराकडे महापालिका‎ व पाेलिसांचे दुर्लक्ष हाेत असल्याची‎ नागरिकांची तक्रार आहे.‎

शहरातील सिटी सेंटर मॉल येथे‎ खरेदीसाठी नागरिकांची वर्दळ‎ असते. या मॉलमागील रस्त्यावर‎ काही वर्षांपासून‎ खाद्यपदार्थविक्रेत्यांनी अतिक्रमण‎ केले आहे. त्यामुळे या ठिकाणी‎ अस्वच्छता असून येथे येणाऱ्या‎ टवाळखाेरांकडून गुंडगिरीचे प्रकार‎ वाढले आहेत. हा भाग‎ महापालिकेच्या नाशिक पश्चिम‎ विभागात येत असून गंगापूर पोलिस‎ ठाण्याच्या हद्दीत हा भाग येताे. तसेच‎ गंगापूर पाेलिस ठाण्याची ही शेवटची‎ हद्द असल्याने या भागात कधीही‎ पाेलिसिंग होत नसल्याचा आरोप‎ परिसरातील नागरिकांनी केला आहे.‎

मनपा आणि पोलिसांचे दुर्लक्ष
‎ या ठिकाणी मनपाच्या पश्चिम विभागाचे दुर्लक्ष असून पालिकेच्या अतिक्रमण‎ विभागाचे आर्थिक हितसंबंध असल्याने खाद्यपदार्थांचे स्टॉल वाढले आहेत.‎ तसेच गंगापूर पोलिस ठाण्याची हद्द असून पेट्रोलिंग होत नसल्याने गुंडगिरी‎ वाढली असून या भागात युवक-युवतीचे अश्लील चाळे असे गैरप्रकार वाढले‎ आहेत. येथे नशा करण्याचे प्रकार घडत असल्याचे नागरिकांनी सांगितले.‎

नंदिनी नदीत टाकला‎ जातो कचरा‎
येथील खाद्यपदार्थांचे विक्रेते तयार‎ झालेला कचरा थेट नंदिनी नदीत‎ टाकत असल्याने ही नदी प्रदूषित‎ झाली आहे. याबाबत मनपाच्या‎ आराेग्य विभागाने कारवाई करावी‎ अशी मागणी नागरिकांनी केली‎ आहे.

‎टपऱ्या बनल्या मद्यपान व‎ स्मोकिंगचे अड्डे‎
सिटी सेंटर मॉलच्या पाठीमागील‎ भागात टपऱ्या व खाद्यपदार्थांचे‎ स्टॉल असून या टपऱ्या जणू मद्यपान‎ व स्मोकिंगचे अड्डे बनले आहेत.‎ कुणीही या व मद्य पित बसा तसेच‎ कुणीही या आणि सिगारेट आेढा‎ अशी येथील परिस्थिती आहे.‎

बातम्या आणखी आहेत...