संडे बिग स्टोरी:चार वर्षे उलटूनही इलेक्ट्रिक‎ टेस्टिंग लॅबचा स्वीच आॅफच‎

इलेक्ट्रिकल उत्पादनांच्या तपासण्या,‎ संशोधन आणि प्रमाणन‎ (सीपीआरआय) करण्यासाठी,‎ इलेक्ट्रिक टेस्टिंग लॅबची उभारणी‎ नाशिकपासून १२ किलोमीटरवर शिलापूर‎ झाली आहे. १०० एकर जागेवर ही लॅब‎ उभी राहत असून निर्धारित वेळेपेक्षा २ वर्ष‎ जास्त झाले तरी ती उद्याेगांसाठी मात्र‎ उपयाेगात येऊ शकलेली नाही.‎ सद्यस्थितीत अजून किमान सहा महिने‎ तरी ही लॅब सुरू हाेण्याची शक्यता‎ नसल्याने उद्याेगांची परवडच आहे.‎ इलेक्ट्रिकल उद्याेगांसाठी देशभरात‎ नाशिक आेळखले जाते, ब्रेकर्स आणि‎ स्वीच गियर्स निर्मीतीचे हब म्हणून‎ नाशिकची ख्याती आहे.

असे असले तरी‎ या उद्याेगांत तयार हाेणारी उत्पादने भाेपाळ‎ किंवा बंगळूरू येथील केंद्रीय विद्युत‎ अनुसंधान संस्थानच्या टेस्टिंग‎ लॅबाेरटरीकडे अंतिम तपासणीसाठी‎ पाठविली जातात. तेथून ती मान्य झाली‎ की, मगच ही उत्पादने बाजारात‎ विक्रिसाठी पाठविता येतात. नाशिकमधून‎ या शहरांमध्ये उत्पादने पाठविण्यासाठी‎ लागणारा वेळ, पैसा यांचा उद्याेगांना‎ हाेणारा जाच या प्रादेशिक तपासणी‎ प्रयाेगशाळेमुळे कायमचाच संपणार आहे.‎

..ही आहे सद्यस्थिती‎
लॅबची उभारणी अंतिम टप्प्यात आली‎ असून विविध मशीन, तपासणी‎ उत्पादने यांचे इन्स्टाॅलेशन पूर्ण. विद्युत‎ विभागाने विद्युतीकरणाचे काम पूर्ण‎ केले असले तरी वीजबिलाचा भार‎ कमी करण्यासाठी वीजपुरवठा काही‎ प्रमाणात बंद ठेवण्यात आला आहे.‎

दिवाळीपर्यंत लॅब कार्यान्वित‎
‎दोन दिवसांपूर्वीच या कामाचा‎आढावा घेतला काम अंतिम‎ टप्प्यात असून दिवाळीपूर्वीच‎ यातील काही टेस्टिंग सुविधा सुरू‎ होतील. टप्प्याटप्प्याने इतर सुविधा‎देखील कार्यरत होतील.‎ - खा. हेमंत गोडसे‎

पश्चिम भारतातील उद्याेगांना फायदा‎
‎इलेक्ट्रीक उत्पादनांच्या तपासण्या, संशाेधन आणि‎प्रमाणन यांची सुविधा येथे उपलब्ध हाेणार असल्याने‎नाशिकच नाही तर पश्चिम भारतातील उद्याेगांना त्यांची‎उत्पादने बंगळुरू किंवा भाेपाळला पाठवायची गरज‎उरणार नाही. आज तीन ते सहा महिन्यांचा माेठा वेळ,‎वाहतुकीचा खर्च यांचा भार उद्याेगांना सहन करावा‎ लागतो. - मिलिंद राजपूत, अध्यक्ष, पाॅवर कमिटी, निमा