गंगापूर धरणातून पाणीपुरवठा करणाऱ्या जलवाहीनीला गळती:211 कोटींच्या नव्या जलवाहिनीसाठी महासभेवर उद्या सादर हाेणार प्रस्ताव

गंगापूर धरणातून पाणीपुरवठा करणाऱ्या जलवाहिनीला २३ वर्षांपेक्षा जादा काळ झाला असल्याने ती वारंवार गळती हाेऊन पाणीपुरवठा विस्कळीत होण्याची समस्या निकाली काढण्यासाठीआता गंगापूर धरणातून बारा बंगला जलशुध्दीकरण केंद्रापर्यतची १२.५० किलोमीटर लांबीची लोखंडी जलवाहिनी टाकण्यासाठी तब्बल २११ कोटींचा प्रस्ताव महासभेत सादर करण्यात येणारआहे. या याेजनेच्या तांत्रिक तपासणीसाठी जीवन प्राधिकरणाला १ काेटी ८६ लाखांचे शुल्क अदा करावे लागणार असून त्याचीही मंजूरी गुरूवारी (दि. २) हाेणाऱ्या महासभेवर ठेवण्यात आली आहे.

शहराला गंगापूर धरण समूह व काही प्रमाणात मुकणे आणि दारणा धरणातून पाणीपुरवठा केला जातो. गंगापूर धरणातून पंपीग स्टेशनद्वारे बारा बंगला जलशुध्दीकरण केंद्रापर्यंत थेट जलवाहिनीद्वारे पाणी आणले जाते. यासाठी सन १९९७ ते २००० दरम्यान १२०० मिमी व्यासाच्या दोन सिमेंटच्या जलवाहिन्या टाकण्यात आल्या होत्या.

गेल्या २३ वर्षात या जलवाहिनीची वहन क्षमता मोठ्या प्रमाणावर कमी झाली आहे. सद्याची लोकसंख्येची मागणी पुर्ण करण्यासाठी जलवाहिनी सक्षम नसून जुनी झाल्याने वारंवार गळतीची समस्या उद्भवत आहे. दुरूस्तीच्या कामासाठी पाणीपुरवठा बंद करावा लागत असल्यामुळे नागरिकांना त्रास सहन करावा लागतो. यावर उपाय म्हणून गंगापूर धरण ते बारा बंगला जलशुध्दीकरण केंद्रादरम्यान नवी लोखंडी जलवाहिनी टाकण्याचा निर्णय घेतला आहे.

यासाठी केंद्राच्या १५व्या वित्त आयोगाचा निधी देखील मंजूर झाला आहे. या प्रकल्पासाठी २०९ कोटी ६० लाखांचा खर्च अपेक्षित आहे. यासंदर्भातील प्रस्तावाला महासभेने यापूर्वीच मंजूरी दिली असून सल्लागार नेमून सविस्तर प्रकल्प अहवाल देखील तयार करण्यात आला. मात्र शासनाच्या निर्देशांनुसार जीवन प्राधिकरण विभागामार्फत तांत्रिक तपासणी करणे बंधनकारक असल्याने महापालिकेने यासंदर्भातील प्रस्ताव पाठविला. या तपासणीसाठी १.८६ कोटींचे शुल्क प्राधीकरणाला द्यावे लागणार आहे. हे शुल्क देण्याचा प्रस्ताव गुरूवारी (दि.२) होणाºया महासभेच्या मान्यतेसाठी सादर करण्यात आला आहे.

अशी असेल नवी थेट जलवाहिनी