‎मागणी:कांद्याला प्रति क्विंटल 1 हजार रुपये अनुदान द्या‎

कांद्याला ५०० ते १००० रुपये क्विंटलमागे‎ अनुदान द्यावे, तसेच हमीभाव जाहीर करावा अशी‎ मागणी करून कांदा व द्राक्षाच्या भावप्रश्नी शासनाने‎ कायमस्वरूपी धोरण निश्चित करावे, अशी मागणी‎ आमदार किशोर दराडे यांनी विधानपरिषदेत केली.‎ जिल्ह्यातील कांदा उत्पादक शेतकरी कवडीमोल‎ बाजारभाव मिळत असल्याने मेटाकुटीला आला आहे.‎ शेतकऱ्यांच्या संतापाची भावना लक्षात घेऊन आमदार‎ दराडे यांनी कांदा, द्राक्षप्रश्नी धोरण निश्चित करून‎ शेतकऱ्यांची होणारी फरपट थांबवण्याची मागणी केली.‎ यावर्षी अल्पदराने विक्री केलेल्या कांद्याला प्रति‎ क्विंटल कमीत कमी पाचशे रुपये ते हजार रुपये‎ अनुदान द्यावे, अशी मागणी त्यांनी केली.

द्राक्ष उत्पादक‎ हवामानाच्या लहरीपणामुळे तसेच व्यापाऱ्यांच्या‎ फसवणुकीच्या घटनांमुळे त्रस्त झाला आहे. त्यामुळे‎ शासनाने धोरण निश्चित करून द्राक्ष उत्पादक शेतकरी‎ व कांदा उत्पादक शेतकऱ्यांना दिलासा द्यावा अशी‎ मागणी केली. शेतकऱ्यांना शेतीसाठी फक्त दिवसाच‎ वीजपुरवठा होत आहे परिणामी रात्र-रात्र जीव धोक्यात‎ घालून पिकांना पाणी देण्याची वेळ येत असल्याने‎ दिवसा वीज मिळावी यासाठी सौर पंपासाठी १०० टक्के‎ अनुदान उपलब्ध करून देण्याची मागणी केली.‎