बाळासाहेब उद्धव ठाकरेंची प्रॉपर्टी नाहीत:मंत्री गुलाबराव पाटील यांचे प्रत्युत्तर; म्हणाले - आम्ही रक्त पिणारे नाही तर रक्त देणारे ढेकूण

बाळासाहेब ठाकरे ही देशाची अन् हिंदू समाजाची प्रॉपर्टी आहे. बाळासाहेब ही उद्धव ठाकरेंची स्वतःची प्रॉपर्टी नाही, मान्य आहे ते त्यांचे वडील आहेत. असे म्हणत मंत्री गुलाबराव पाटील यांनी उद्धव ठाकरेंना प्रत्युत्तर दिले आहे.

मी 35 वर्षे उद्धव ठाकरेंसोबत काम केले आहे, त्यांचे शब्द मला माहिती आहेत. मात्र, आम्ही रक्त पिणारे नाही, तर रक्त देणारे ढेकूण आहोत असा टोलाही त्यांनी लगावला आहे.

मंत्री गुलाबराव पाटील म्हणाले की, बाळासाहेबांच्या नाव वापरू नका, हे पाचव्या सहाव्या वेळेस झाले आहे. त्यामुळे त्या गोष्टीला किती धार द्यावी हे मला तरी वाटते चुकीचे होईल. महापुरुषांचे नाव, फोटो वापरणे हा सर्वांचा अधिकार आहे. बाळासाहेब ही उद्धव ठाकरेंची स्वतःची प्रॉपर्टी नाही, मान्य आहे ते त्यांचे वडील आहेत.मात्र, बाळासाहेब ठाकरे ही देशाची अन् हिंदू समाजाची प्रॉपर्टी आहे, त्यांचे नाव कुणीही वापरू शकते असे म्हणत उद्धव ठाकरेंसोबत मी 35 वर्षे राहिलो आहे, त्यांचे शब्द प्रयोग मला माहिती असून आम्ही रक्त पिणारे नाही तर रक्त देणारे ढेकूण आहोत, असे गुलाबराव पाटील यांनी प्रत्युत्तर दिले आहे.

उद्धव ठाकरेंचे वक्तव्य काय?

माजी मुख्यमंत्री उद्धव ठाकरे म्हणाले, जे ढेकणे आपले रक्त पिऊन फुगली त्यांना चिरडण्याची ताकद एका बोटात आहेत. त्यासाठी तोफेची गरजही नाही. आमच्याकडे मुलुखमैदानी तोफ आहे. संजय कदमांच्या रुपाने आपली तोफ परत आपल्याकडे आली. तोफा देशद्रोह्यांविरोधात वापरायच्या असतात.