निर्भय कन्या अभियान:विद्यार्थिनींनी उच्च शिक्षण प्राप्त‎ केल्यास मिळेल हमखास यश‎

भारतातील पुरुषप्रधान संस्कृतीमुळे‎ स्त्रीला कायम दुय्यम स्थान मिळत होते.‎ मात्र आधुनिक युगात विद्यार्थिनींनी‎ उच्च व आधुनिक शिक्षण आत्मसात‎ केले तर त्यांना जीवनात यश हमखास‎ मिळू शकते, असे प्रतिपादन पोलिस‎ उपनिरीक्षक सविता उंडे यांनी केले.‎ देवळाली कॅम्प येथील श्रीमती‎ विमलाबेन खिमजी तेजुकाया‎ महाविद्यालयात मंगळवारी (दि. २४)‎ निर्भय कन्या अभियानाच्या‎ उद्घाटनप्रसंगी उंडे बोलत होत्या.‎ व्यासपीठावर प्राचार्य डॉ. एस. एस.‎ काळे, पोलिस अधिकारी प्रशांत सांगळे,‎ चंद्रकला कवटे, स्त्रीरोगतज्ज्ञ निवेदिता‎ पवार, डॉ. मीनाक्षी गवळी, उपप्राचार्य‎ डी. टी. जाधव, निर्मला मोराडे, उर्मिला‎ गिते आदी होत्या. उंडे पुढे म्हणाल्या की,‎ आधुनिक काळात मुली सर्वच क्षेत्रात‎‎‎‎‎‎‎‎‎‎‎‎ आघाडीवर दिसतात. त्यामागे त्यांचे‎ कष्ट अन मेहनत असून त्यामुळे‎ भविष्यात महीला राज आलेले‎ आपल्याला दिसेल.

प्राचार्य डॉ. एस.‎ एस. काळे म्हणाले की, पुरुषप्रधान‎ संस्कृतीमध्ये महिलांची उपेक्षा केली‎ जात होती. आज मात्र तसे चित्र नाही,‎ आज पुरुषांच्या तुलनेत महिलाही पुढेच‎ दिसत आहे. त्यांची गुणवत्ता त्या सिद्ध‎ करतांना दिसत आहे. यावेळी द्वितीय‎‎‎‎‎‎‎‎‎‎‎‎ सत्रात डॉ. मीनाक्षी गवळी यांनी‎ विद्यार्थिनींना संरक्षणाचे धडे दिले,‎ तिसऱ्या सत्रात डॉ. निवेदिता पवार यांनी‎ स्त्री समस्या, आरोग्य व त्यांचे‎ निराकरण याविषयी मार्गदर्शन केले.‎ विद्यार्थी विकास अधिकारी सतीश‎ कावळे, कार्यशाळा समन्वयक निर्मला‎ मोराडे, डॉ. ऊर्मिला गिते, डॉ. गिते यांनी‎ कार्यशाळा यशस्वितेसाठी परिश्रम‎ घेतले.‎