मोहीम:सिडकाेत पाणीपट्टी न भरणाऱ्या‎ 150  जणांची नळजाेडणी खंडित‎

महापालिकेच्या सिडको विभागीय‎ कार्यालयांतर्गत घरपट्टी व पाणीपट्टी‎ मिळकतधारकांकडे सुमारे ४६‎ काेटींची थकबाकी असून मार्च‎ अखेरपर्यंत थकबाकी भरण्याचे‎ उद्दिष्ट आहे. मनपाने धडक वसुली‎ मोहीम हाती घेऊन बड्या‎ थकबाकीदारांना स्मरणपत्र व‎ मालमत्ता जप्तीपूर्वीची नोटीस देण्यात‎ येऊनही कर न भरणाऱ्यांमध्ये‎ पाणीबिल न भरणाऱ्या १५० हून‎ अधिक घर व व्यावसायिकांची‎ नळजोडणी खंडित करण्यात आली‎ आहे.‎

मनपाच्या सिडको विभागीय‎ कार्यालाकडे मागील व चालू वर्षाची‎ घरपट्टी व पाणीपट्टीची एकूण ८३‎ कोटी ६ लाख ५८ हजारांची‎ थकबाकी आहे. यामध्ये मनपाने ही‎ थकबाकी वसुलीसाठी स्वतंत्र‎ पथकाद्वारे माेहीम हाती घेतली आहे.‎ स्मरणपत्र, नोटिसा देऊनही पाणी‎ बिलापोटी ४३ कोटी ३३ लाख ३५‎ हजारांची थकबाकी कायम आहे.‎

एकूण ८३ काेटी ६ लाखांच्या‎ थकबाकीपैकी मनपाने राबविलेल्या माेहिमेमुळे‎ घरपट्टीची २७ काेटी ३२ लाख ४७‎ हजार तर पाणीपट्टीचे १० कोटी १५‎ लाख अशी एकूण ३८ काेटींची‎ वसुली करण्यात आली आहे.‎ यामध्ये बड्या पाणीपट्टी‎ थकलेल्यानंा घरमालकांना‎ वारंवार नाेटिस देउनही ते कर भरत‎ नसल्याने अखेरीस त्यांचा‎ पाणीपुरवठा बंद करण्याची कारवाई‎ हाती घेण्यात आली आहे.‎

सिडकाे विभागात सव्वा लाख‎ मिळकतधारक : सिडको विभागीय‎ कार्यालयांतर्गत घरपट्टीच्या एकूण १‎ लाख १४ हजार ४७२‎ मिळकतधारक आहेत. यामध्ये घर,‎ दुकान, सरकारी कार्यालये व‎ इमारतींचा समावेश आहे. यातील १‎ लाखांहून अधिक थकबाकीदारांच्या‎ मिळकतींसमोर मनपाने ढोल बजाव‎ मोहीम राबवली. मात्र, त्याचा‎ फारसा उपयोग न झाल्यामुळे उद्दिष्ट‎ पूर्ण करण्यासाठी कारवाईला‎ सुरुवात झाली आहे. विभागीय‎ अधिकारी डॉ. मयूर पाटील,‎ निरीक्षक अंबादास विधाते, आनंद‎ जाधव, संतोष गायकवाड, राजेंद्र‎ मौले, राजू मोरे यांनी कारवाईची‎ माेहिम राबविली.