भीषण अपघात:मनमाड - येवला रोडवर भरधाव कार झाडावर आदळली, 4 तरुण जागीच ठार, 1 गंभीर

मनमाड - येवला रोडवरील अनकवाडे शिवारात कार झाडावर आढळून झालेल्या भीषण अपघातात 4 तरुण जागीच ठार झाले. एक गंभीर जखमी झाला आहे. मध्यरात्रीच्या सुमारास हा अपघात झाला. अपघात इतका भीषण होता की यात कारचा अक्षरशः चुराडा झाला.

अपघातात तौफिक शेख, दिनेश भालेराव, प्रवीण सकट, गोकुळ हिरे हे जागीच ठार झाले. हे सर्वजण मनमाडचे रहिवासी होते. तर अजय वानखेडे हा गंभीर जखमी झाला असून त्याच्यावर मनमाडच्या उपजिल्हा रुग्णालयात प्राथमिक उपचार करून पुढील उपचारासाठी नाशिकला हलविण्यात आले आहे.