45 प्लस लसीकरण आजपासून:केंद्राकडून महाराष्ट्राला आज मिळणार कोविशील्डचे 26 लाख 77 हजार डोस

देशात ४५ वर्षांवरील नागरिकांचे गुरुवारपासून लसीकरण सुरू होणार असून केंद्र सरकारकडून राज्याला कोविशील्ड लसीचे गुरुवारी २६ लाख ७७ हजार डोस मिळणार अाहेत. तरीही ३ कोटी लाभार्थींसाठी लसीची टंचाई भासणार आहे.

राज्यात ४५ वर्षांवरील लोकांची संख्या ३ कोटी ६८ लाख आहे. यापैकी ५२ लाख ९६ हजार ४१३ लाभार्थींनी पहिला डोस घेतला आहे, तर ७ लाख ३३ हजार २३६ लाभार्थींचा दुसरा डोस झाला आहे. रोज सरासरी २ लाख लाभार्थींचे लसीकरण होत असून आतापर्यंत ६० लाख २९ हजार जणांचे लसीकरण पूर्ण झाले आहे. यात आरोग्य कर्मचारी, फ्रंटलाइन वर्कर्स, ६० वर्षांवरील ज्येष्ठ नागरिक, ४५ वर्षांवरील सहव्याधी असलेले नागरिकांचा समावेश आहे. ४५ वर्षांवरील सर्वांचे लसीकरण सुरू होत असून या वयोगटाची संख्या ३ कोटी ६८ लाख आहे. यापैकी ६० लाखांचे लसीकरण झाले असले तरी ३ कोटींचे बाकी आहे. त्यासाठी केंद्राकडून २६ लाख ७७ हजार डोस मिळणार आहेत. रोज २ लाख डोस ही आतापर्यंतची सरासरी धरली तरी ही लस पुढील १० ते १३ दिवस पुरेल, असा सूत्रांचा अंदाज आहे.

अशी आहे गरज

अशी आहे स्थिती

(स्रोत - सार्वजनिक आरोग्य विभाग, महाराष्ट्र राज्य)