उपक्रम:विद्यार्थ्यांमध्ये नात्यांचे संस्कार‎ रुजविण्यासाठी मातृ-पितृपूजन‎

मुलांमध्ये नात्याने संस्कार रूजवावे,‎ यासाठी सायखेड्याजवळील गोदानगर‎ येथील प्राथमिक शाळेत मातृ-पितृपूजन‎ उपक्रम राबविण्यात आला.‎ गोदानगर येथे इयत्ता पहिली ते‎ पाचवीपर्यंतची जिल्हा परिषदेची शाळा‎ असून या शाळेत १०० विद्यार्थी शिक्षण घेत‎ आहेत. विद्यार्थ्यांचा सर्वांगीण विकास‎ साधायचा असेल तर विद्या‌र्थी-पालक-‎ शिक्षक असा त्रिवेणी संगम आवश्यक‎ असतो. ही बाब शाळेतील उपक्रमशील‎ मुख्याध्यापक नवनाथ सुडके यांनी‎ सहकारी शिक्षक आणि योग प्रशिक्षक‎ ज्ञानेश्वर कुटे यांच्याकडे व्यक्त केली. या‎ उपक्रमासाठी कुटे यांनी १०० हार, फुले,‎ मिठाई आदी साहित्य स्वखर्चाने दिले.‎ विद्यार्थ्यांच्या बौद्धिक विकासाबरोबरच‎ या विद्यार्थ्यांवर बालपणी केलेले संस्कार‎ चिरकाल टिकतात म्हणून आजच्या‎ बालकांना आणि तरुण पिढीला उत्तम‎ संस्काराची गरज आहे. ही बाब लक्षात‎ घेऊन शाळेत माता-पितापूजन दिवस‎ साजरा करण्याची संकल्पना मुख्याध्यापक‎ नवनाथ सुडके यांनी मांडली.‎ गोदानगर येथे सर्व मजूर पालक आहे.‎ विद्यार्थ्यांचे आई-वडील शाळेत‎ आल्यानंतर सर्व पालकांना स्वतःच्या मुला‎ ‎-मुलींसमाेर बसवून भारतीय‎ संस्कृतीप्रमाणे आई व वडिलांची पूजा‎ विद्यार्थ्यांनी केली.

त्यानंतर सर्व मुलांची‎ पूजा आई-वडिलांनी केली. मुले आणि‎‎‎‎‎‎‎‎‎‎‎‎‎‎‎‎‎‎‎‎ आई-वडील यांनी एकमेकांना मिठाई‎ भरवत आणि मिठी मारत हा उपक्रम‎ साजरा करण्यात आला.‎ ज्या विद्यार्थ्यांचे आई-वडील हयात‎ नाहीत किंवा काही कामानिमित्ताने‎ अनुपस्थित होते. त्या सर्व विद्यार्थ्यांसाठी‎ स्मिता लांडे-सुडके , ताईबाई कोकाटे,‎ सोमनाथ महालपुरे हे स्वतः पूजनासाठी‎ बसले आणि या उपक्रमात सहभाग‎ घेतला.‎

कार्यक्रमाचे नियाेजन ज्ञानेश्वर कुटे‎ आणि त्यांचे सर्व तरुण सहकारी यांनी‎ केले. सदरच्या उपक्रमास सायखेड्याचे‎ सरपंच गणेश कातकाडे यांनी भेट देऊन‎‎‎‎‎‎‎‎‎‎‎‎‎‎‎‎‎‎‎‎ गोदानगर शाळेच्या मदतीसाठी सदैव तत्पर‎ असल्याचे आश्वासित केले.‎ उपसरपंच माणिक वाघ, सदस्य शोभा‎ डंबाळे यांनी यांनी सदिच्छा भेट देऊन‎ शुभेच्छा दिल्या. स्मिता लांडे-सुडके यांनी‎ आभार मानले. याप्रसंगी जालिंदर गांगुर्डे,‎ सतीश वाघ, बंडू गायकवाड, धनेश पवार,‎ कैलास मोहिते, सुनील पवार,शंकर वाघ,‎ माया पवार, वंदना डंबाळे आदी सदस्य‎ उपस्थित होते. मातृ-पितृपूजनाचे‎ परिसरातील पालक, ग्रामस्थ यांच्यासह‎ गटशिक्षणाधिकारी केशव तुंगार, विस्तार‎ अधिकारी कैलास बोरसे, केंद्रप्रमुख प्रदीप‎ कुटे यांनी कौतुक केले.‎