इशारा:एमआयडीसी अधिकारी-उद्योजकांत वादंग‎

अंबड औद्योगिक वसाहतीत लागू‎ असलेल्या दुहेरी फायरसेसच्या‎ मुद्यावर उद्योगमंत्री उदय सामंत‎ यांनी स्पष्ट निर्देश दिल्यानंतरसुद्धा‎ एमआयडीसीने सेसच्या‎ वसुलीबाबतच्या नोटिसा अंबडच्या‎ उद्योजकांना पाठविल्या आहेत.‎ त्यात संदिग्धता असल्याने त्यावरून‎ निमा अध्यक्ष धनंजय बेळे यांच्या‎ नेतृत्वाखाली निमा आणि‎ आयमाच्या पदाधिकाऱ्यांनी‎ एमआयडीसीच्या अधिकाऱ्यांना‎ धारेवर धरले. यासंदर्भात‎ एमआयडीसी स्पष्ट खुलासा करत‎ नाही तोपर्यंत उद्योजक फायरसेस व‎ त्याची थकबाकी भरणार नाहीत,‎‎‎‎‎‎‎‎‎‎ असा इशारा निमाचे अध्यक्ष‎ धनंजय बेळे यांनी दिला.‎ अंबड औद्योगिक वसाहतीत‎ एमआयडीसी आणि महापालिका‎ या दोन्ही संस्थांतर्फे फायरसेस‎ वसूल केला जातो.

यासंदर्भात‎ उद्योजकांनी सातत्याने आवाज‎ उठविल्यानंतर उद्योगमंत्री उदय‎ सामंत यांच्या उपस्थितीत‎‎‎‎‎‎‎‎‎‎ डिसेंबरमध्ये सर्व यंत्रणांच्या‎ झालेल्या बैठकीत याबाबत मुद्देसूद‎ चर्चा होऊन एमआयडीसीने अंबड‎ येथील फायर स्टेशन १ एप्रिल २०२३‎ पासून महापालिकेकडे हस्तांतरित‎ करावे अशी मागणी उद्योजकांनी‎ लावून धरली असता‎ मंत्रीमहाेदयांनी त्याबाबत‎ हस्तांतरणाचे स्पष्ट निर्देश दिलेले‎ होते. एमआयडीसीने हे फायर‎ स्टेशन महापालिकेकडे हस्तांतरित‎ करावे व त्याच्या इस्टॅब्लिशमेंटच्या‎ पैशांबाबतचा प्रस्ताव मांडून‎ महापालिकेकडून ती रक्कम घ्यावी‎ तसेच एक एप्रिलपासून‎ एमआयडीसीने कोणताही‎ फायरसेस वसूल करू नये असे‎ स्पष्ट निर्देश मंत्रीमहोदयांनी दिले‎ होते. परंतु असे असतानाही त्या‎ निर्देशाला बगल देत एमआयडीसीने‎ वरिष्ठ अधिकाऱ्यांच्या‎ परवानगीशिवाय अंबडच्या‎ उद्योजकांना ३१ मार्चपर्यंतच्या‎ फायरसेसच्या वसुलीच्या नोटिसा‎ पाठविल्या. मात्र १ एप्रिलपासून‎ एमआयडीसी फायरसेसची वसुली‎ करणार नाही.