अंमलजबावणी:किमान वेतन कायद्या’साठी मनसे मैदानात‎

आैद्याेगिक वसाहतीत काम करणाऱ्या‎ कामगारांना किमान वेतन मिळावे यासाठी‎ कायदा तयार करण्यात आलेला आहे.‎ मात्र, या कायद्याची सहजासहजी‎ अंमलजबावणी केली जात नसल्यामुळे‎ कामगारांना न्याय मिळवून देण्यासाठी‎ आता मनसे मैदानात उतरली आहे.‎ सातपूर आैद्याेगिक वसाहतीत उत्तर‎ महाराष्ट्रातील पहिलेच कार्यालय मनसेचे‎ युवा नेते अमित ठाकरे यांच्या उपस्थितीत‎ सुरू करण्यात आले.‎

राज्यातील सुमारे ५२ एमआयडीसींपैकी‎ सद्य स्थितीतील सुमारे २६‎ एमआयडीसीमध्ये किमान वेतन कायद्याचे‎ पालन केले जात नाही. मालक वर्गाकडून‎ हा कायदा सर्रासपणे पायदळी तुडवला‎ जातो. या विरोधात आता मनसे रस्त्यावर‎ उतरली असून त्याअनुषंगाने हे कार्यालय‎ सुरू केले आहे.

येत्या १२ तारखेला‎ शर्मिला ठाकरे यांच्या हस्ते रायगड‎ जिल्ह्यातील खालापूर एमआयडीसीत‎ दुसरे कार्यालय सुरू करण्यात येणार‎ असल्याचे कामगार सेनेचे अध्यक्ष मनोज‎ चव्हाण यांनी सांगितले. कामगारांच्या‎ न्याय हक्कासाठी मनसे कामगारांच्या‎ पाठीशी खंबीरपणे उभी राहणार असल्याचे‎ मनसे कामगार सेनेचे प्रदेश उपाध्यक्ष‎ सलीम शेख यांनी सांगितले. मनसे‎ कामगार सेनेच्या प्रदेश चिटणीसपदाची‎ जबाबदारी योगेश शेवरे व सोपान शहाणे‎ यांच्यावर साेपविण्यात आली.

यावेळी‎ मनसे कामगार सेनेचे चिटणीस मनोज‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ रामराजे, प्रदेश सरचिटणीस अशोक‎ मुर्तडक, प्रदेश उपाध्यक्ष अ‍ॅड. रतनकुमार‎ इचम, हाजी अजगर शेख, महिला‎ आघाडीच्या सुजाता डेरे, जिल्हाप्रमुख‎ अंकुश पवार, शहराध्यक्ष दिलीप दातीर‎ आदी प्रमुख उपस्थित होते. कार्यक्रमाच्या‎ यशस्वितेसाठी बंटी लभडे, नितीन माळी,‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ वैभव महिरे, ज्ञानेश्वर बगडे, निशांत शेट्टी,‎ विशाल भावले, विनोद यादव, चेतन‎ खैरनार, मोहसीन शेख, जुनेद शेख,‎ एजाज शेख, मीनानाथ नागरे, अमोल‎ गवळी, राहुल सहाने, विनोद सिंग‎ आदींसह मनसे कार्यकर्त्यांनी परिश्रम‎ घेतले.‎

नाशिक बनले राजकीय पक्षांच्या युवानेत्यांचे केंद्र‎
सध्याचे फोडा फोडीचे राजकारण बघता सर्वच राजकीय पक्षाच्या दृष्टीने नाशिकला‎ अधिक महत्त्व प्राप्त झाल्याचे दिसून येत आहे. त्यामुळेच की काय सर्वच राजकीय पक्षांच्या‎ युवानेत्यांनी नाशिककडे लक्ष केंद्र केले आहे. राष्ट्रवादी काँग्रेसचे सर्वेसर्वा शरद पवारांचे‎ नातू व अजित पवार यांचे पुतणे रोहित पवार यांनी नुकतीच नाशिकला भेट दिली होती. त्या‎ पाठोपाठ दोनच दिवसांपूर्वी मुख्यमंत्री एकनाथ शिंदे यांचे पूत्र खासदार श्रीकांत शिंदे यांनी‎ नाशिकला भेट देत विविध विकास कामांचे उद्घाटन केले.